193 مەكتەپتىڭ كۇردەلى جوندەۋ جۇمىستارى ءبىرىنشى قىركۇيەككە دەيىن اياقتالادى.
بۇل تۋرالى وقۋ-اعارتۋ مينيسترلىگى مالىمدەدى. مينيسترلىك بارلىق ءبىلىم وشاقتارىنىڭ جاڭا وقۋ جىلىنا دايىندىعىنا مونيتورينگ جۇرگىزگەن. 51 مەكتەپتىڭ كۇردەلى جوندەۋ جۇمىستارى جىل سوڭىندا اياقتالادى.
ال 17 وقۋ ورداسىنداعى جوندەۋ كەلەر جىلدىڭ باسىندا بىتەدى. ولار كەلىسىمشارتقا سايكەس جوسپار بويىنشا جۇزەگە اسىپ جاتىر. ماماندار تەكسەرىستى مامىر ايىنان بەرى جۇرگىزىپ كەلەدى.
«جاڭا وقۋ جىلى قارساڭىندا بارلىق مەكتەپتەردىڭ دايىندىعى تاعى ءبىر كەشەندى مونيتورينگتەن ءوتتى. اكىمدىكتەرگە وقۋ جىلى باستالعانعا دەيىن قاۋىپسىزدىكتى قامتاماسىز ەتۋ بويىنششا قاجەتتى شارالاردى قابىلداۋ، وقۋ پروسەسىن ۇيىمداستىرۋ جانە وقۋشىلاردى ءبىلىم بەرۋ ۇيىمدارىنا-ۇيلەرىنە تاسىمالداۋدى ۇيىمداستىرۋ ءۇشىن ۋاقىتشا ءبىلىم الۋ ورىندارىن ايقىنداۋ تۋرالى ۇسىنىمدار بەرىلدى»، - دەيدى ق ر وقۋ-اعارتۋ مينيسترلىگىنىڭ باسپا ءسوز حاتشىسى مەرەكە نۇرمۇحانوۆا.