ءساۋىر ايىندا 9 212 جەڭىل كولىك پەن كوممەرسيالىق تەحنيكا ساتىلعان.
قازاقستاندا بيىل ءبىرىنشى توقساندا جاڭا اۆتوكولىكتەر ساتىلىمى وتكەن جىلمەن سالىستىرعاندا 8 پروسەنتكە تومەندەدى، دەپ حابارلايدى Almaty-akshamy.kz
قازاقستاننىڭ اۆتوبيزنەس قاۋىمداستىعىنىڭ مالىمەتىنشە، سوڭعى ۋاقىتتا كولىك يمپورتتاۋشىلاردىڭ قارقىنى باسەڭسىگەن. سوعان قاراماستان العاشقى ءتورت ايدىڭ ساتۋ كورسەتكىشى - 31 582 كولىك.بۇل وتكەن جىلدىڭ ءدال وسى كەزەڭىمەن سالىستىرعاندا 8 پايىزعا تومەن.
ءۇش اي ۇزىلىستەن سوڭ ساتىلىم كورسەتكىشى بويىنشا ۇزدىك برەند بەستىگىن Chevrolet باستاپ تۇر - 3004 دانا (وتكەن جىلدىڭ ءساۋىر ايىمەن سالىستىرعاندا +13،3%). ەكىنشى ورىندا Hyundai – 1 802 اۆتوكولىك (- 21،7%)، ءۇشىنشى ورىندا كiا – 968 دانا (+27،2%).
Toyota برەندى 3 950 دانا (-23%) اۆتوكولىك ساتىپ، ءتورتىنشى ورىننان كورىنسە، ۇزدىك بەستىكتى Lada اياقتاپ تۇر – 798 دانا (+98%) .
2022 جىلدىڭ ءساۋىر ايىندا ەڭ كوپ ساتىلعان اۆتوكولىكتەر:
Chevrolet Cobalt – 2111 دانا؛
Hyundai Elantra – 468 دانا؛
Kia Sorento – 442 دانا؛
Chevrolet Nexia – 418 دانا؛
Hyundai Sonata – 376 دانا؛
Toyota Camry – 349 دانا؛
Lada Granta – 329 دانا؛
Hyundai Accent – 275 دانا؛
Kia Rio – 232 دانا؛
Hyundai Santa Fe – 195 دانا.