بۇل جونىندە وسك حاتشىسى «ادامي ولشەم جونىندەگى ديالوگ الاڭىندا» وتكەن رەفەرەندۋم تاقىرىبىنا قاتىستى وتىرىستا ءمالىم ەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
قازاقستان سىرتقى ىستەر مينيسترلىگى جانىنداعى «ادامي ولشەم جونىندەگى ديالوگ الاڭى» كونسۋلتاتيۆتىك-كەڭەسىنىڭ كەزەكتەن تىس وتىرىسىندا ەلىمىزدىڭ قازىرگى ساياسي كۇن تارتىبىندەگى ەڭ ءىرى ماسەلە – 5 ماۋسىمعا وتەتىن ق ر كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى جالپىۇلتتىق رەفەرەندۋم تاقىرىبى قارالدى. ءىس-شارا ق ر ءسىم ەرەكشە تاپسىرمالار جونىندەگى ەلشىسى ۇسەن سۇلەيمەننىڭ توراعالىعىمەن ءوتتى. ونىڭ ايتۋىنشا، ازاماتتاردىڭ الداعى داۋىس بەرۋدىڭ ماڭىزدىلىعىن جانە كونستيتۋسياعا ۇسىنىلعان تۇزەتۋلەر قابىلدانعان جاعدايدا، جاڭارتىلعان كونستيتۋسيا نەگىزىندە قازىرگى قولدانىستاعى باسقا دا زاڭنامالىق اكتىلەرگە تۇزەتۋلەر ەنگىزىلەتىنىن نەمەسە جاڭا زاڭدار قابىلدانباق.
رەفەرەندۋمنىڭ مازمۇنى مەن وعان دايىندىق پروسەسى جونىندە ق ر ورتالىق سايلاۋ كوميسسياسىنىڭ حاتشىسى مۇحتار ەرمان مەن ق ر ادىلەت مينيسترلىگىنىڭ زاڭناما دەپارتامەنتىنىڭ ديرەكتورى نازكەن جامالادين بايانداما جاسادى. وسك حاتشىسى وتىرىسقا قاتىسۋشىلاردى ءوز ورگاننىڭ جانە 10 012 ۋچاسكەلىك كوميسسيانىڭ داۋىس بەرۋگە دايىندىق بارىسىمەن تانىستىردى. ادىلەت مينيسترلىگىنىڭ وكىلى كونستيتۋسياعا ەنگىزىلەتىن تۇزەتۋلەردىڭ مازمۇنىنا ەگجەي-تەگجەيلى توقتالدى.
ايتا كەتەيىك، وتىرىس بەينەكونفەرەنسيا رەجيمىندە ءوتتى. وعان پارلامەنت دەپۋتاتتارى، ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ حاتشىسى، جوعارعى سوتتىڭ، كونستيتۋسيالىق كەڭەستىڭ، ق ر ادام قۇقىقتارى جونىندەگى ۋاكىل كەڭسەسىنىڭ، مۇددەلى مينيسترلىكتەردىڭ، ادام قۇقىقتارىن قورعاۋ سالاسىندا بەلسەندى ۇكىمەتتىك ەمەس ۇيىمداردىڭ وكىلدەرى قاتىستى.