«قانت تاپشىلىعى بولادى» دەگەن اقپارات شىندىققا جاناسپايدى
كەشە اشم جانە سيم حابارلاعانداي، بۇگىندە ەلدە قانت تاپشىلىعى جوق. بۇل تۋرالى ق ر ساۋدا جانە ينتەگراسيا مينيسترلىگىنىڭ رەسمي وكىلى الىشەر ءومىرزاق مالىمدەدى، دەپ حابارلايدى Almaty-akshamy.kz.
«ساۋدا جەلىلەرى مەن تۇراقتاندىرۋ قورلارىندا بۇل الەۋمەتتىك ماڭىزى بار ازىق-تۇلىك تاۋارىنىڭ قورى كەمى ءۇش ايعا جەتكىلىكتى. سونىمەن قاتار قانت ءوندىرىسى جالعاسىپ جاتىر، توقتامايدى! قور تولتىرىلىپ وتىرادى. ياعني «ءۇش ايدان كەيىن قور تاۋسىلادى، قانت تاپشىلىعى بولادى»، دەگەن اقپارات شىندىققا جاناسپايدى»،- دەلىنگەن حابارلامادا.
ەلدەگى قانت وندىرىسىنەن بولەك، وزگە ەلدەردەن يمپورتتاۋ مۇمكىندىگى بار.
«سوندىقتان اجيوتاجعا ەرىك بەرمەۋگە شاقىرامىز»،-دەلىنگەن حابارلامادا.