بۇل تۋراسىندا ۇكىمەت جيىنىندا ءمالىم ەتىلدى
بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ەلىمىزدە قانشا ادام ريەۆاكسينا العانىن جاريا ەتتى، دەپ حابارلايدى Almaty-akshamy.kz
«رەسپۋبليكا بويىنشا ريەۆاكسينالاۋعا جاتاتىن حالىقتى قامتۋ 26،8 پايىزدى قۇراپ وتىر. 800 مىڭنان استام ادامعا ەكپە ەگىلدى»، - دەدى مينيستر.
ونىڭ دەرەگىنشە، ءۇش وڭىردە، اتاپ ايتقاندا، اتىراۋ، تۇركىستان وبلىستارىندا جانە نۇر-سۇلتان قالاسىندا قامتىلۋ دەڭگەيى وتە تومەن. نەبارى 13 پايىزدان 17 پايىزعا دەيىن عانا.
«بارلىق وڭىرلەردە ۆاكسينالاۋ مەن ريەۆاكسينالاۋ قارقىنىن ارتتىرۋ قاجەت. بۇل - بۇگىنگى كۇنى اۋرۋحاناعا ءتۇسۋدىڭ، كوروناۆيرۋس ينفەكسياسىنان بولاتىن اۋىر اعىم مەن ءولىمنىڭ الدىن الۋدىڭ جالعىز ءتاسىلى سانالادى»، - دەدى اجار عينيات.