ەلدە كۇنباعىس مايىنىڭ باعاسى وسكەن

قازاقستاندا كۇنباعىس مايىنىڭ ءوندىرىسى ارتتى. سوعان قاراماستان، ءونىم ءبىر جىل ىشىندە 12%-عا قىمباتتاعان. 

Energyprom ساراپشىلارى جاريالاعان ەسەپتە كورسەتىلگەندەي، وڭىرلىك بولىنىستە كۇنباعىس مايى ءوندىرىسىنىڭ بارلىق كولەمىنىڭ جارتىسىنا جۋىعىن شىعىس قازاقستان وبلىسى قامتاماسىز ەتتى - 78،1 مىڭ توننا تازارتىلماعان جانە 33،6 مىڭ توننا تازارتىلعان ماي، دەپ حابارلايدى Almaty-akshamy.kz.

بۇدان باسقا تازارتىلماعان كۇنباعىس مايى ءوندىرىسىنىڭ ەلەۋلى كولەمى اباي (43،8 مىڭ توننا) جانە قوستاناي (9،1 مىڭ توننا) وبلىستارىنا، تازارتىلعان - شىمكەنت (24،2 مىڭ توننا) جانە الماتى (10،4 مىڭ توننا) وبلىستارىنا تيەسىلى بولدى.

«وسى جىلدىڭ قاڭتار–مامىر ايلارىندا قازاقستاندىق كۇنباعىس مايىن وندىرۋشىلەر سۇرانىستى 83،5%-عا، يمپورتقا تيىسىنشە 16،5%-عا قامتىدى. وتكەن جىلدىڭ قاڭتار-مامىرىمەن سالىستىرعاندا ءوندىرىس كولەمى 29،6%-عا، ال يمپورت 26،6%-عا ارتتى»، دەلىنگەن زەرتتەۋدە.

ساراپشىلاردىڭ ايتۋىنشا، 2022 جىلدىڭ شىلدە ايىنىڭ قورىتىندىسى بويىنشا كۇنباعىس مايى ءبىر ايدا 1،4%-عا قىمباتتادى، ال جىل باسىنان بەرى باعانىڭ ءوسۋى 8،1%-دى قۇرادى.

2021 جىلعى شىلدەمەن سالىستىرعاندا باعالار 11،6%-عا ءوستى، بۇل الدىڭعى جىلدىڭ كورسەتكىشىنەن ايتارلىقتاي تومەن، ول كەزدە بىردەن 65،8%-عا قىمباتتاۋى بايقالدى.