سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى سەناتقا 2012 جىلى قابىلدانعان حالىقارالىق ستاندارتقا وزگەرىستەر ەنگىزۋ تۋرالى ءوتىنىم بەرگەن.
باس-اياعى 82 كريتەريي ۇسىنىلدى. وعان ساي ءبىرىڭعاي ۆەب-پورتال قۇرىلماقشى. 1-2 جىلدا وزگە ۇيىمدار سايتتارىن جاڭارتىپ، ينتەگراسياعا بەيىمدەلۋگە ءتيىس. ءقازىر زاعيپ جاندار قاجەتتى مالىمەتتەردى ەكراندىق ديكتور ارقىلى تىڭدايدى. ال حالىقارالىق ستاندارت بويىنشا ارنايى بۇيرىق قاراشانىڭ سوڭىندا شىعارىلادى، دەپ حابارلايدى Almaty-akshamy.kz.
«قازىرگى كەزدە سيفرلىق دامۋ مينيسترلىگى سيفرلىق كودەكستى ازىرلەپ جاتىر. وسى سيفرلىق كودەكسكە ءبىز جاڭاعى اتاپ وتكەن ستاندارتتاردىڭ پايدالانۋىن مىندەتتەگىمىز كەلەدى. قازىرگى جاعدايدى الاتىن بولساق، بانكتەر، باسقا دا كوممەرسيالىق ۇيىمدار حالىقارالىق ستاندارتتى پايدالانبايدى. ويتكەنى ونى پايدالانۋ زاڭدى تۇردە مىندەتتەلمەگەن عوي. سوندىقتان، وسى مىندەتتەۋدى كودەكس ارقىلى جۇكتەسەك، ءبىزدىڭ بانكتەر، باسقا دا ۇيىمدار، وزدەرىنىڭ سايتتارىن جاڭارتىپ، كوزى ناشار كورەتىن، زاعيپ جاندارعا ارناپ جاساۋى كەرەك»، - دەيدى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلگىنىڭ دەپارتامەنت ديرەكتورى ءۇمىتجان ارىقبەكوۆا.