مۇناي-گاز سالاسىنىڭ ساراپشىلارى الداعى ۋاقىتتا ەلدەگى بەنزين 25 پروسەنتكە قىمباتتايتىنىن بولجادى. جالپى، جىل باسىنان بەرى جانار-جاعارماي قۇنى 30 پروسەنتكە وسكەن، دەپ حابارلايدى اlmaty-akshamy.kz
قازاقستانداعى مۇناي ءوندىرۋشى كومپانيالار وڭدەۋشىلەرگە شيكىزاتتى ءوز باعاسىنا بەرۋگە مىندەتتەلدى. بۇل تۋرالى قارجىلىق ساراپشى اندرەي چەبوتاريەۆ ءوزىنىڭ تەلەگرام كانالىندا حابارلادى. ونىڭ ايتۋىنشا، مامىرعا دەيىن مۇناي وڭدەۋ زاۋىتتارىنا شيكىزات باررەلى 20 دوللاردان اسپاعان.
ول تۇستا بىزدەگى قارا التىننىڭ الەمدىك قۇنى 70 دوللارعا جەتكەن. دەمەك، مۇنايدى ءوز باعاسىنان تومەن ساتۋ قازىناعا ءتيىمسىز ءارى ۇلتتىق قوردىڭ كىرىسى باسەڭدەتەدى. ءبىر سوزبەن ايتقاندا، نارىقتىق ەكونوميكا ءپرينسيپى بۇزىلادى.
جالپى، ەلىمىز ارزان بەنزين ساتاتىن مەملەكەتتەر وندىعىنا كىرەدى. بىزدەن كەيىن ۆەنەسۋەلا تۇر. ونداعى جانارماي تەگىن، ەسەسىنە قوردا ءونىم جوق. ساراپشى ەلدەگى بەنزيننىڭ ارزان كۇيدە قالۋى دەفيسيتكە الىپ كەلۋى مۇمكىن دەيدى.
كورشىلەردەن سۇرانىس ارتقاسىن ەكسپورت تا، كونتراباندا دا ارتادى. اندرەي چەبوتاريەۆ بەنزين باعاسى ەاەو ءبىرىڭعاي وتىن نارىعىندا دا وسەتىنىن بولجادى.