قازاقستان الەم بويىنشا ەت تۇتىنۋدان 49-شى ورىندا تۇر.
ەلىمىزدەگى ەت وداعىنىڭ بولجاۋىنا سۇيەنسەك، ەتتىڭ باعاسى تاعى دا قىمباتتاماق.
بۇگىندە سيىر ەتىنىڭ ءبىر كەلىسىنىڭ ءوزى 4 مىڭ تەڭگەدەن ساتىلادى. ەندى بۇل باعا دا ودان ءارى جوعارىلاپ كەتۋى مۇمكىن، دەپ حابارلايدى Almaty-akshamy.kz
ساراپشىلاردىڭ ايتۋىنشا، دەلدالدار ەتتىڭ باعاسىن كوتەرمەلەپ جىبەرەتىندىكتەن قىمباتقا شىعادى. ءتىپتى كەيدە ۇستىنەن 50%-عا دەيىن قوسادى. مۇنىڭ كەسىرىنەن قاراپايىم ساتۋشىلار ەتتى ۇستەمە باعامەن ساتۋعا ءماجبۇر بولادى.
كۇزدە ارپانىڭ باعاسى ءوسىپ، ءىرى ەت ينۆەستورلارى تاپشى بولادى دەگەن بولجام بار. ساراپشىلاردىڭ سوزىنشە، مۇنىڭ بارلىعى الداعى ۋاقىتتا شىعىننىڭ وسۋىنە اكەلەدى.
«ءبىز قازاقستاندى سيىر ەتىمەن تولىق قامتاماسىز ەتە الامىز. يمپورت تا كەلىپ جاتقاندىقتان، باعاعا اسەر ەتەدى»، - دەدى قازاقستان ەت وداعىنىڭ اتقارۋشى ديرەكتورى اسقار جۇباتىروۆ.
ونىڭ ايتۋىنشا، ەگەر مەملەكەت جەم-شوپ بازاسىن ۇلعايتۋ شارالارىن قابىلداماسا، باعا تومەندەمەيدى.