ازىق-تۇلىك باعاسى ءوسىپ بارادى.
بيىلعى قاراشا ايىنىڭ قورىتىندىسى بويىنشا رەسپۋبليكا بويىنشا ازىق-تۇلىك تاۋارلارى ءبىر ايدا 1،8%، ءبىر جىلدا 24،1%-عا قىمباتتاعان، دەپ حابارلايدى Almaty-akshamy.kz.
اسىرەسە، ازىق-تۇلىكتىڭ ءوسۋ ديناميكاسى ۇلىتاۋ وبلىسىندا انىق بايقالادى، وڭىردەگى جالپى كورسەتكىش - 2،4%
ودان كەيىن ەلوردا مەن جامبىل وبلىسىندا دا باعا ايتارلىقتاي وسكەن. ءار وڭىردە - 2،2%.
جىلدىق ديناميكا بويىنشا سەكتورداعى باعانىڭ ەڭ كوپ ءوسۋى ماڭعىستاۋ وبلىسىندا بىردەن 31،4%-عا دەيىن تىركەلگەن.
اقتوبە وبلىسى مەن شىمكەنت ەكىنشى جانە ءۇشىنشى ورىندا: ءار وڭىردە 25،8%.
ەڭ از جىلدىق ءوسىم شىعىس قازاقستان وبلىسىندا تىركەلىپتى: «بار بولعانى» 22،6%.
جەمىستەر مەن كوكونىستەردىڭ باعاسى دا شارىقتاپ تۇر. ءبىر جىلدا 17،4% قىمباتتاعان. ونىڭ ىشىندە جاڭا پىسكەن جەمىستەردىڭ قۇنى ءبىر جىلدا 18،9%، كوكونىستەر 11%-عا ءوستى.