بۇگىن باس سانيتار دارىگەر جاڭا قاۋلىعا قول قويعان بولاتىن
ق ر باس سانيتار دارىگەرى ەرلان قياسوۆتىڭ Ashyq جوباسى بويىنشا جاڭا قاۋلىسىندا نىسانداردىڭ جۇمىسىنا قاتىستى ءتيىستى رەجيم بەلگىلەندى، دەپ حابارلايدى Almaty-akshamy.kz
بۇل تۇرعىدا Ashyq جوباسىن ەنگىزۋ جانە ىسكە اسىرۋ جالعاستىرىلاتىن نىساندار ايقىندالدى. وسى ورايدا قۇجاتتا ادامدار كوپتەپ جينالاتىن 40-قا جۋىق نىسان بەلگىلەنگەن.
«وسى قاۋلىعا 4-قوسىمشاعا سايكەس Ashyq جوباسىنا قاتىساتىن وبەكتىلەر ءۇشىن جۇمىس جانە دەمالىس كۇندەرى مىناداي جۇمىس رەجيمىن:
- «قىزىل» جانە «قوڭىر قىزىل» ايماقتاردا ورنالاسقان وڭىرلەردە – ساعات 00.00-گە دەيىن، «Ashyq» جوباسىنىڭ كوشباسشىلارى ءۇشىن – ساعات 02.00-گە دەيىن؛
- «سارى» ايماقتاعى ورنالاسقان وڭىرلەردە – ساعات 01.00-گە دەيىن، «Ashyq» جوباسىنىڭ كوشباسشىلارى ءۇشىن – ساعات 03.00-گە دەيىن؛
- «جاسىل» ايماقتا ورنالاسقان وڭىرلەردە – ساعات 03.00-گە دەيىن، «Ashyq» جوباسىنىڭ كوشباسشىلارى ءۇشىن – ساعات 05.00-گە دەيىن بەلگىلەۋدى قامتاماسىز ەتۋ بەكىتىلگەن.
«دەمالىس كۇندەرى قىزمەتكەرلەر مەن كەلۋشىلەردە ءقاۋىپسىز «جاسىل» مارتەبە بولعان جاعدايدا (ۆاكسيناسيالاۋ، سىناما العان ساتتەن باستاپ 7 تاۋلىكتەن اسپايتىن تەرىس ناتيجەسى بار پتر تەستتىڭ بولۋى، كۆي-گە قارسى ۆاكسيناسيالاۋعا تۇراقتى مەديسينالىق قارسى كورسەتىلىمدەردىڭ بولۋى نەمەسە كۆي-مەن اۋىرىپ جازىلعان ادامدار سوڭعى 3 اي ىشىندە) وبەكتىلەردىڭ جۇمىس ىستەۋىنە جول بەرىلەدى»، - دەلىنگەن قۇجاتتا.
وسى قاۋلى 2022 جىلى 5 قاڭتاردان باستاپ كۇشىنە ەنەدى.