اتالمىش شارا العاش رەت ونلاين رەجيمدە ءوتىپ جاتىر.
ق ر تۇڭعىش پرەزيدەنتى – ەلباسى نۇرسۇلتان نازاربايەۆ XVII ەۋرازيالىق مەديا فورۋم قاتىسۋشىلارىنا قۇتتىقتاۋ لەبىزىن جولدادى، دەپ حابارلايدى Almaty-akshamy.kz
«XVII ەۋرازيا مەديا فورۋمىنىڭ قاتىسۋشىلارى مەن قوناقتارىن قۇتتىقتاعانىما قۋانىشتىمىن. جىلدار بويى فورۋم پىكىر الماساتىن تانىمال مەدياالاڭعا اينالدى. بەلگىلى ساياساتكەرلەر، ساراپشىلار جانە جەتەكشى بۇقارالىق اقپارات قۇرالدارىنىڭ وكىلدەرى مۇندا الەمدىك قوعامداستىق ءۇشىن ەڭ وزەكتى ماسەلەلەردى قاراستىرادى، ولاردى شەشۋدىڭ جاڭا جولدارىن ازىرلەيدى»، - دەپ ق ر مەملەكەتتىك حاتشىسى قىرىمبەك كوشەربايەۆ نۇرسۇلتان نازاربايەۆتىڭ قۇتتىقتاۋىن وقىپ بەردى.
نۇرسۇلتان نازاربايەۆ فورۋمنىڭ ءوز تاريحىندا العاش رەت ونلاين فورماتتا ءوتىپ جاتقانىن، ءبىراق بۇل ەۋرازيا مەن الەمنىڭ وزەكتى ماسەلەلەرىنىڭ ماڭىزى مەن كەڭ تالقىلانۋىنا ەش اسەر ەتپەيتىنىن اتاپ ءوتتى.
«بيىل قازاقستان ءوز تاۋەلسىزدىگىنىڭ 30 جىلدىعىن اتاپ وتۋدە. ءبىز ۇلكەن جانە كۇردەلى جولدان وتتىك، وندا ايتارلىقتاي بارلىعى مويىنداعان ناتيجەلەرگە قول جەتكىزدىك. ءقازىر ەلىمىزدىڭ الدىندا جاڭا ءورشىل ماقسات تۇر – 2050 جىلعا قاراي الەمنىڭ ەڭ دامىعان 30 مەملەكەتىنىڭ قاتارىنا كىرۋ. ءاردايىم قازاقستان قوزعالىسىنىڭ نەگىزى – حالىقتىڭ بىرلىگى بولعاندىقتان، اتالعان ستراتەگيالىق ماقساتقا دا قول جەتكىزىلەدى»، - دەيدى ەلباسى.
نۇرسۇلتان نازاربايەۆ قازىرگى جاھاندىق سىن-قاتەرلەر مەن پاندەمياعا قارسى كۇرەس جاعدايىندا ۇيىمشىلدىق قاعيداتى بۇكىل ادامزات ءۇشىن نەگىز قالاۋشى بولۋى كەرەگىن ايتتى.
«فورۋمنىڭ بارلىق قاتىسۋشىلارىنا جەمىستى پىكىرسايىس تىلەيمىن. سىزدەردىڭ جۇمىستارىڭىز قازىرگى الەمنىڭ ودان ءارى دامۋى تەك بىرلىك، ديالوگ جانە ءوزارا قۇرمەت ارقىلى عانا مۇمكىن بولاتىنىن جاھاننىڭ ۇعىنۋىنا قىزمەت ەتسىن»، - دەدى ەلباسى.