اتالعان جيىن قازاقستاننىڭ تۇڭعىش پرەزيدەنتىنىڭ بەينەۇندەۋىمەن اشىلدى
نيۋ-يورك قالاسىندا بىرىككەن ۇلتتار ۇيىمى باس اسسامبلەياسىنىڭ حالىقارالىق يادرولىق سىناقتارعا قارسى ءىس-قيمىل كۇنىنە ارنالعان جوعارى دەڭگەيدەگى پلەنارلىق وتىرىسى ءوتىپ جاتىر، دەپ حابارلايدى Almaty-akshamy.kz. ەlbasy.kz سايتىنا سىلتەمە جاساپ.
جيىن قازاقستاننىڭ تۇڭعىش پرەزيدەنتىنىڭ بەينەۇندەۋىمەن اشىلدى. نۇرسۇلتان نازاربايەۆ جاھاندىق قاۋىپسىزدىكتى قامتاماسىز ەتۋگە باعىتتالعان قىزمەتتىڭ ماڭىزدىلىعىنا توقتالىپ، حالىقارالىق ارەنادا انتيادرولىق قوزعالىستى ىلگەرىلەتۋ جولىنداعى قازاقستاندىق ديپلوماتيانىڭ ەرەكشە كۇش-جىگەرىن اتاپ ءوتتى.
«وسىدان وتىز جىل بۇرىن مەن الەمدەگى ەڭ ءىرى يادرولىق پوليگوننىڭ ءبىرى – سەمەي يادرولىق پوليگونىن جابۋ تۋرالى جارلىققا قول قويدىم. بۇل ادامزات تاريحىندا يادرولىق سىناقتار وتكىزۋگە زاڭدىق تۇرعىدا تىيىم سالعان العاشقى شەشىم ەدى. سەمەي پوليگونىنان كەيىن دۇنيە ءجۇزى بويىنشا باسقا دا پوليگوندار جابىلدى نەمەسە توقتاتىلدى. يادرولىق سىناقتارعا تىيىم سالۋ جاھاندىق سيپاتقا يە بولدى»، - دەدى ەلباسى.
بەينەۇندەۋدىڭ تولىق نۇسقاسىن مىنا جەردەن كورۋگە بولادى.