مۇراجايلاردا بارلىعى 2،6 ميلليون ەكسپونات ساقتاۋلى
بىلتىر قازاقستاننىڭ مۇراجايلارىنا كورەرمەن 6 097 مىڭ رەت بارسا، 2021 جىلى 5 104 مىڭ رەت بولعان دەپ حابارلايدى Almaty-akshamy.kz.
حالىقارالىق مۇراجاي كۇنىنە وراي بيۋرو وسى مادەني مەكەمەگە بارۋشىلار جايلى ستاتيستيكالىق مالىمەتتەردى ۇسىندى.
مۇراجايلارعا بارۋشىلاردىڭ باسىم بولىگى تۇركىستان وبلىسىندا – 1 492 مىڭ كەلۋشى، ودان كەيىن استانادا – 643 مىڭ كەلۋشى جانە شىعىس قازاقستان وبلىسىندا – 564 مىڭ، بارۋشىلاردىڭ سانى شىمكەنت قالاسىنىڭ مۋزەيلەرىندە ەڭ از – 43 مىڭ.
«بۇل رەتتە، شىمكەنت قالاسىندا مۇراجايلاردىڭ سانى دا كوپ ەمەس – 5 بىرلىك. جالپى، 2023 جىلدىڭ 1 قاڭتارىندا قازاقستاندا بارلىعى 271 مۇراجاي جۇمىس ىستەسە، ءبىر جىل بۇرىن ولاردىڭ سانى 7 بىرلىككە كەم بولعان. مۇراجايلار سانى بويىنشا تۇركىستان وبلىسى كوش باستاپ تۇر – 27 مۇراجاي، اقتوبە وبلىسىندا 20 مۇراجاي جانە الماتى قالاسى مەن باتىس قازاقستان وبلىسىنىڭ ءارقايسىندا 19 مۇراجايدان»، – دەلىنگەن حابارلامادا.
271 مۇراجايدىڭ 48ء-ى – تاريحي، 109-ى – ولكەتانۋ، 65ء-ى – مەموريالدىق، تاعى 14ء-ى – قورىق مۇراجاي، 11ء-ى – ونەرتانۋ جانە ت.ب.
ايتا كەتسەك، 4 مۇراجاي جەكەمەنشىك، قالعانى – مەملەكەت مەنشىگىندە.
مۇراجايلاردا بارلىعى 2،6 ميلليون ەكسپونات ساقتاۋلى.