بۇل تۋرالى "قازاقتەلەكوم" اق باسقارما ءتوراعاسى باعدات مۋسين ءوزىنىڭ Telegram-ارناسىندا جاريالادى، دەپ حابارلايدى aqshamnews.kz
ونىڭ ايتۋىنشا، جۇڭگو عىلىم اكادەمياسىنىڭ عالىمدارى نەيروچيپتىڭ جۇمىسىن كورسەتكەن. بۇل ءچيپتىڭ كومەگىمەن ادام كومپيۋتەر ەكرانىنداعى كۋرسوردى، مۇگەدەكتەر ارباسىن، روبوتتاندىرىلعان قولدى جانە ءتىپتى ءروبوت-يتتى باسقارا الادى. اتالعان تەحنولوگيا سال اۋرۋىنا شالدىققان ناۋقاسقا ءساتتى تۇردە سىنالعان.
"قىتايلىق عالىمدار Neuralink كومپانياسىنداعى يمپلانتقا قاراعاندا كولەمى ەكى ەسە كىشى چيپ جاساپ، ونى سال اۋرۋىنا شالدىققان پاسيەنتكە ەنگىزە الدى. ول ءۇشىن باس سۇيەگىن نەبارى 5 ميلليمەتر ديامەتردە تەسۋ جەتكىلىكتى"،- دەپ جازدى مۋسين.
ول ازىرلەۋشىلەردىڭ مالىمەتىنشە، نەيروندىق سيگنالدى قابىلداۋدان باستاپ سىرتقى قۇرىلعىلاردىڭ پارمەندى ورىنداۋىنا دەيىنگى كىدىرىس 100 ميلليسەكۋندتان از ۋاقىتتى قۇرايتىنىن اتاپ ءوتتى.
"بۇل كورسەتكىش ساۋ ادامنىڭ ميىنان بۇلشىق ەتتەرگە باراتىن تابيعي سيگنالدان دا جىلدام. مۇنداي تەحنولوگيالار قازاقستاندا دا شىندىققا اينالۋى مۇمكىن. سوندىقتان ءبىز كادرلار مەن ينفراقۇرىلىمدى قازىردەن باستاپ دايىنداۋىمىز كەرەك. ەرەكشە قاجەتتىلىكتەرى بار وتانداستارىمىز ەڭ زاماناۋي وڭالتۋ ادىستەرىن پايدالانا الۋى ءتيىس"، – دەپ تۇيىندەدى ول.