ۇلتتىق ۇلاننىڭ مىندەتى - قوعامدىق ءتارتىپتى قامتاماسىز ەتۋ، مەملەكەتتىك نىسانداردىڭ قاۋىپسىزدىگى، قارۋلى قاقتىعىستاردى بولدىرماۋ.
وسىنداي ماڭىزدى جۇمىستاردى اتقاراتىن ءۇش بىردەي اسكەري ءبولىم قاراعاندى وبلىسىندا ورنالاسقان. سونىڭ ءبىرى - قازاقستانداعى ەڭ ءىرى 6505 اسكەري ءبولىمى. ونداعى ساربازدار ايداۋىل قىزمەتىمەن قاتار تۇزەتۋ مەكەمەلەرىن كۇزەتەدى. وسى ۋاقىت ارالىعىندا اسكەري بولىمنەن ەرلىگىمەن كوزگە تۇسكەن تالاي سارباز شىققان، دەپ حابارلايدى Almaty-akshamy.kz 24.kz-كە سىلتەمە جاساپ.
6505 اسكەري بولىمىندەگى ءار ساربازدىڭ ساۋلىعى، ولارعا قاتىستى زاڭدى تالاپتاردىڭ ساقتالۋىنا تىكەلەي اقىلبەك قوڭىروۆ جاۋاپتى. قۇرىلعانىنا 66 جىل بولعان ەڭ ءىرى ءبولىمنىڭ 3 وبلىستا اسكەري قۇرامى بار. باس-اياعى ءبىر مىڭعا جۋىق سارباز ازاماتتىق بورىشىن وتەپ ءجۇر. مامان ولاردىڭ بارلىعىنا قامالعانداردى كۇزەتۋ، ولاردى سوتقا اپارۋ كەزىندەگى ايداۋىل جۇمىسىنىڭ قىر-سىرىن ۇيرەتەدى. اقىلبەك ءۇشىنشى دارەجەلى «ايبىن» وردەنىمەن ماراپاتتالعان.
قۇرىلعانىنا 56 جىل بولعان 5451 اسكەري ءبولىمى دە قاراعاندىدا ورنالاسقان. مۇندا 800-دەن استام سارباز بار. ولاردىڭ مىندەتى - قوعامدىق قاۋىپسىزدىكتى قامتاماسىز ەتۋ. مىسالى، تەك وتكەن جىلى اسكەري ءبولىم ساربازدارى 60-قا جۋىق قىلمىسكەر مەن قوعامدىق ءتارتىپتى بۇزعانداردى ۇستاعان. ونىڭ 17ء-سى - قىلمىستىق جاۋاپكەرشىلىكتەن جالتارماق بولعاندار.
«ساربازدار كوبىنەسە وزدەرىنىڭ باتىلدىقتارىن، قىزمەت اتقارۋ كەزىندە قىراعىلىقتارىن كورسەتەدى. ءبىر جاعدايدى ايتىپ كەتەتىن بولسام، ەسىرتكىنى تاسىمالداۋ كەزىندە، زاكلادچيك دەيدى عوي، سونى جۇمىس كەزىندە ۇستاپ الدى. ول اعاشتاردىڭ اراسىنا تىعىپ، فوتوعا ءتۇسىرىپ جاتقان سول جەردى، سول كەزدە جاساق ۇستاپ الدى»، - دەيدى ۇلتتىق ۇلاننىڭ 5451 اسكەري ءبولىمى كومانديرىنىڭ تاربيە جانە الەۋمەتتىك جۇمىستار جونىندەگى ورىنباسارى ارمان سىزدىقوۆ.
اتاپ وتكەن ءجون، قوس اسكەري ءبولىمنىڭ ساربازدارى دا وسىدان ءبىر جىل بۇرىن قاڭتار وقيعاسى كەزىندە قوعامدىق ءتارتىپتى ساقتاۋعا ءوز ۇلەسىن قوسقان. 31 جىل بويى ۇلتتىق ۇلان ساربازدارى باس بوستاندىعىنان ايىرىلعانداردى كۇزەتىپ، قوعامداعى ءتارتىپتى قاداعالاپ كەلەدى. بەيبىت كۇندە ەرلىگىمەن كوزگە تۇسكەن اسكەريلەردىڭ ەرلىگى ساربازدارعا ەرلىك ساباقتارىندا ۇلگى رەتىندە وقىتىلادى.