سۋ رەسۋرستارى جانە يرريگاسيا مينيسترلىگىنىڭ ماماندارى «سۋدى ۇنەمدە – بولاشاقتى ساقتا» رەسپۋبليكالىق اكسياسى اياسىندا قازاقستان مەكتەپتەرىندە سۋ ۇنەمدەۋ تاقىرىبىندا اشىق ساباقتار وتكىزىپ جاتىر. بۇگىنگە دەيىن اشىق ساباقتارعا 1،8 ميلليوننان استام وقۋشى قاتىستى، دەپ حابارلايدى aqshamnews.kz.
اكسيا سۋ رەسۋرستارى جانە يرريگاسيا مينيسترلىگىنىڭ باستاماسىمەن جانە وقۋ-اعارتۋ مينيسترلىگىنىڭ قولداۋىمەن وتكىزىلىپ جاتىر.
«بالالار ساباقتاردا پايدالى اقپاراتتار الىپ، العان بىلىمدەرىن كۇندەلىكتى ومىردە قولدانادى دەپ ويلايمىن. ويتكەنى مەكتەپ – دۇرىس ادەتتەردى قالىپتاستىراتىن ەڭ قولايلى ورتا. ەندى الداعى ۋاقىتتا جوعارى وقۋ ورىندارىنىڭ ستۋدەنتتەرى ءۇشىن دە سۋ ۇنەمدەۋ تاقىرىبىندا دارىستەر ۇيىمداستىرۋدى جوسپارلاپ وتىرمىز»،– دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.