«قازاۆتوجول» ۇلتتىق كومپانياسى ەل اۋماعىنداعى اۆتوجولدارداعى قازىرگى احۋال تۋرالى مالىمەتتى جاريالادى، - دەپ حابارلايدى Aqshamnews.kz.
كومپانيانىڭ مالىمەتىنشە، 2025 جىلعى 15 قاراشادا ساعات 08:00–دە بۇعان دەيىن اۋا رايىنىڭ ناشارلاۋىنا بايلانىستى ەنگىزىلگەن ۋاقىتشا شەكتەۋلەر الىنىپ، باتىس قازاقستان وبلىسىندا قوزعالىس تولىق اشىلدى:
• «اتىراۋ-ورال» اۆتوجولى، 372-492-شاقىرىم، (چاپاي اۋىلىنان ورال قالاسىنا دەيىن)؛
• «اقتوبە — ورال — رف شەكاراسى (سىرىم ءو/پ)» اۆتوجولى، 195-246-شاقىرىم، (رف شەكاراسى سىرىم ءو/پ — ورال ق. ماي بەكەتى).
ال ەكى وڭىردە شەكتەۋلەر ءالى دە كۇشىندە.
سولتۇستىك قازاقستان وبلىسى
9 قاراشا كۇنى ساعات 11:00–دە قولايسىز اۋا رايىنا (جاۋىن-شاشىن، اۋىر جۇك كولىكتەرىنىڭ كوپتىگى) بايلانىستى «تيميريازيەۆو — سارىكول — وبلىس شەكاراسى» اۆتوجولىنىڭ 0-30-شاقىرىمىندا، ياعني قوستاناي وبلىسى شەكاراسى — تيميريازيەۆو اۋىلى ۋچاسكەسىندە بارلىق اۆتوكولىك ءتۇرى ءۇشىن قوزعالىسقا شەكتەۋ ەنگىزىلدى.
شىعىس قازاقستان وبلىسى
5 قاراشادان باستاپ تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسى وسينوۆ اسۋىندا ۋاقىتشا شەكتەلدى. شەكتەۋ «وسكەمەن — التاي –كاتونقاراعاي — راحمان قاينارى» اۆتوجولىنىڭ 46-66-شاقىرىمىنداعى (سيەۆەرنوە اۋىلى — سەرەبريانسك قالاسى) ۋچاسكەسىندە ساقتالادى.
بۇل شارا تاۋلى جەردە جول قاۋىپسىزدىگىن قامتاماسىز ەتۋ ماقساتىندا قابىلدانىپ، قىس ماۋسىمى اياقتالعانعا دەيىن كۇشىندە بولادى.