ەكس-مينيستر م.بەكتانوۆتىڭ ءىسى اپەللياسيالىق القاعا جولداندى

بۇرىنعى قورعانىس ءمينيسترى مۇرات بەكتانوۆ 12 جىلعا سوتتالعان بولاتىن.

بۇرىنعى قورعانىس ءمينيسترى مۇرات بەكتانوۆتىڭ ءىسى اسكەري سوتتىڭ اپەللياسيالىق القاسىنا جولداندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.

«م.بەكتانوۆ مامانداندىرىلعان اسكەري اۋدانارالىق سوتتىڭ ۇكىمىمەن 2023 جىلدىڭ 24 اقپانىنداعى ق ر قىلمىستىق كودەكسىنىڭ 451-بابىنىڭ 3-بولىگى بويىنشا 12 جىلعا باس بوستاندىعىنان ايىرىلدى»، - دەلىنگەن جاۋاپتا.

ۇكىم بويىنشا ول مەرزىمدى جازاسىن قىلمىستىق اتقارۋ جۇيەسىنىڭ قاۋىپسىزدىگى بارىنشا كۇشەيتىلگەن مەكەمەسىندە وتەۋى كەرەك بولعان.

«ۇكىم ءالى زاڭدىق كۇشىنە ەنگەن جوق، سوتتالۋشى م.بەكتانوۆ پەن قورعاۋشىسى ا.ن.پودۋشكين ۇكىمگە شاعىم ءتۇسىردى.

ءىس اسكەري سوتتىڭ قىلمىستىق ىستەر جونىندەگى اپەللياسيالىق القاسىنا شاعىم ءمانى بويىنشا قاراۋعا جولداندى»، - دەپ جازادى ە.شارىپبەكوۆ.

ايتا كەتەيىك، 9 ناۋرىز كۇنى بۇرىنعى قورعانىس ءمينيسترى مۇرات بەكتانوۆ 12 جىلعا سوتتالعان بولاتىن.

«م. بەكتانوۆ قازاقستان رەسپۋبليكاسى قىلمىستىق كودەكسىنىڭ 451-بابىنىڭ 3-بولىگى بويىنشا قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ 24.02.2023 جىلعى ۇكىمىمەن سوتتالدى. وعان ەڭ جوعارى قاۋىپسىزدىك قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ، 12 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەپ حابارلانعان.

اتالعان قىلمىستىق ءىستىڭ «قۇپيا» تۇردە قارالعانىن العا تارتقان سوت تولىق اقپارات بەرمەگەن بولاتىن.