مۇنداي تىيىمنىڭ ەنگىزىلۋىنە ەلدە قىزىلشا دەرتىنىڭ دەندەپ تۇرعانى سەبەپ.
بۇل تۋرالى قازاقستاننىڭ باس سانيتارلىق دارىگەرى ايجان ەسماعامبەتوۆا وتاندىق باسىلىمداردىڭ بىرىنە بەرگەن سۇحباتىندا ءمالىم ەتتى، دەپ حابارلايدى Almaty-akshamy.kz.
باس سانيتاردىڭ سوزىنشە، مۇنداي تىيىمدى ەنگىزۋ ماسەلەسىنىڭ كوتەرىلۋىنە ەلىمىزدە قىزىلشا دەرتىنىڭ اسقىنۋى سەبەپ.
ناۋرىزدا قازاقستاندا قىزىلشانىڭ 70-تەن استام جاعدايى زەرتحانامەن راستالدى. اسىرەسە، الماتىدا احۋال كۇردەلى. مۇندا جىل باسىنان بەرى قىزىلشامەن 46 ناۋقاس اۋىردى. ناۋقاس بالالاردىڭ جارتىسىنىڭ اتا-انالارى ەكپەدەن باس تارتقان.
ەلىمىزدىڭ باس سانيتارلىق دارىگەرىنىڭ ايتۋىنشا، بالاباقشا توبىنداعى بالالاردىڭ 90%-ى ۆاكسيناسيالانۋى كەرەك. ەگەر ەكپە الماعانداردىڭ سانى 10%-دان كوپ بولسا، وندا ولاردىڭ كەلۋىنە تىيىم سالۋ ماسەلەسى قاراستىرىلادى.
"دەنساۋلىق ساقتاۋ مينيسترلىگىنىڭ بۇيرىقتارىنىڭ بىرىندە نورما بار. بالاباقشالاردا ۆاكسيناسيالانباعان بالالاردىڭ سانى 10 %-دان اسپاۋى كەرەك. جەرگىلىكتى سانيتارلىق-ەپيدەميولوگيالىق باقىلاۋ دەپارتامەنتتەرىنە وسىنى انىقتاۋعا مونيتورينگ جۇرگىزۋدى تاپسىردىق. ەگەر نورما ساقتالماسا، ۆاكسيناسيالانباعان بالالاردى بالاباقشالارعا جىبەرۋدى توقتاتامىز. مۇنى ءوزىمىز اۋىرماس ءۇشىن جانە باسقالارعا جۇقتىرماس ءۇشىن جاسايمىز. باسقا جول جوق. بۇل – زاڭ نورماسى، ورتاق جاۋاپكەرشىلىك. ناۋقاستاردىڭ سانى وسە بەرەدى، ءبىز بالالاردى قورعاۋىمىز كەرەك"، – دەيدى ايجان ەسماعامبەتوۆا.