«جاسىل دامۋ» اكسيونەرلىك قوعامى «EcoQolday» جوباسىنىڭ قاتىسۋشىلارىنا تولەم جۇرگىزىپ جاتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
«جاسىل دامۋ» اق «وندىرۋشىلەردىڭ كەڭەيتىلگەن مىندەتتەمەلەرى وپەراتورى» ج ش س راستالعان مىندەتتەمەسى بويىنشا «EcoQolday» جوباسىنىڭ قاتىسۋشىلارىنا تولەم جۇرگىزۋدى باستادى. ورىنداعان مىندەتتەمەلەرىن راستايتىن قۇجاتتى ۋاقتىلى ۇسىنعان 26 كومپانياعا بۇگىنگى كۇنى 105 ميلليون تەڭگەدەن استام قارجى تولەندى.
ەستەرىڭىزگە سالا كەتەيىك، اۆتوكومپونەنتتەر مەن قاپتاما قالدىقتارىن جيناپ، كادەگە جاراتۋ بويىنشا «EcoQolday» جوباسىنا قاتىسقان كاسىپورىنداردىڭ راستالعان مىندەتتەمەلەرى ورىندالاتىنى حابارلانعان بولاتىن.
وندىرۋشىلەردىڭ كەڭەيتىلگەن مىندەتتەمەلەرى وپەراتورىمەن جاسالعان بۇرىنعى شارت شەڭبەرىندە مىندەتتەمەسىن ورىنداعان، كورسەتىلگەن قىزمەتتەردى قۇجات جۇزىندە راستاعان كونتراگەنتتەرگە 2021 جىلدىڭ 4-توقسانىنا تولەم جاسالادى. ونى الۋ ءۇشىن «وكم وپەراتورى» ج ش س جاساعان شارتتىڭ قۇقىقتار مەن مىندەتتەمەلەرىن كاسىپورىندار «جاسىل دامۋ» اق-نا بەرۋ جونىندە جازباشا كەلىسىم مەن نەگىزدەمەلىك شارتقا قوسىمشا ءۇشجاقتى كەلىسىم جانە 30 ساۋىرگە دەيىنگى سالىستىرۋ اكتىلەرىن ۇسىنۋى قاجەت.