2025 جىلعى 21 ساۋىردە استانادا مەملەكەت باسشىسىنىڭ قاتىسۋىمەن ەكوفەستيۆال ءوتتى، ونىڭ اياسىندا يننوۆاسيالىق ەكولوگيالىق جوبالار مەن ستارتاپتاردى كورسەتۋ ءۇشىن كورمە جانە ينتەراكتيۆتى ايماقتار ۇيىمداستىرىلدى.
قالدىقتاردى قايتا وڭدەۋ بويىنشا «قالدىقتاردىڭ ەكىنشى ءومىرى» اتتى 7 كورمە ايماعى قۇرىلدى. مىسالى، Kazstonebox جوباسى ەكولوگيالىق جانە سۋعا ءتوزىمدى ماتەريال – تاس قاعازدان جيھاز بەن قالدىقتاردى ءبولىپ جيناۋعا ارنالعان كونتەينەرلەر شىعارادى، دەپ حابارلايدى aqshamnews.kz.
بۇل ونىمدەر ءتوزىمدى، ىلعالدان قورىقپايدى، باستىسى اعاش پەن پلاستيككە ەكولوگيالىق تازا بالاما بولا وتىرىپ، تولىعىمەن قايتا وڭدەلەدى. Technic Destroy ليتيي-يوندى باتارەيالاردى قايتا وڭدەيدى جانە ونداعى باعالى مەتالداردى (ليتيي، كوبالت، مىس) وندىرىسكە قايتارادى.
بۇل قورشاعان ورتانىڭ لاستانۋىن ازايتىپ قانا قويماي، شيكىزات يمپورتىنا تاۋەلدىلىكتى ازايتادى. «جاسىل تەحنولوگيالار» باعىتى بويىنشا حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى 9 ايماق ۇيىمداستىردى.