الماتىدا «تازا قازاقستان» باعدارلاماسى اياسىندا «الماتى – ءبىزدىڭ ورتاق ءۇيىمىز» اكسياسى وتۋدە. اكسيانىڭ نەگىزگى باعىتتارىنىڭ ءبىرى – كاسىپكەرلىك سۋبەكتىلەرىن قالا اۋماعىن اباتتاندىرۋعا جانە تازالىقتى ساقتاۋعا تارتۋعا باعىتتالعان «جاۋاپتى بيزنەس – كورىكتى قالا» باستاماسى.
سونىڭ اياسىندا بيزنەس قاۋىمداستىعى ءبىرقاتار ءىس-شارا ۇيىمداستىرىلادى. وعان ىرگەلەس اۋماقتاردى تازالاۋ، عيماراتتاردىڭ قاسبەتتەرىن رەتكە كەلتىرۋ جانە كوگالداندىرۋ جۇمىستارى كىرەدى. سونىمەن قاتار، كاسىپكەرلەرگە الماتى قالاسىنىڭ اۋماقتارىن اباتتاندىرۋ ەرەجەلەرى ءتۇسىندىرىلىپ، اباتتاندىرۋ پاسپورتتارىن ازىرلەۋ بويىنشا جۇمىستار جۇرگىزىلۋدە.
جوبانىڭ ماقساتى – جاۋاپتى بيزنەستى قالىپتاستىرۋ، قالالىق ورتانى جاقسارتۋ جانە الماتى قالاسىنىڭ تازالىعىن بىرلەسە ساقتاۋعا تۇرعىنداردى تارتۋ.
«ساۋدا ورتالىعىنىڭ ىشىندە كۇندەلىكتى تازالىق جۇمىستارى جۇرگىزىلىپ، ءتارتىپ قاتاڭ ساقتالادى. ءبىزدىڭ كومپانيادا شامامەن 40-قا جۋىق قىزمەتكەر بار. ولار تازالىق جۇمىستارىنا بەلسەندى تۇردە قاتىسادى. ساۋدا ورتالىعىنا قاراستى اۋماقتا قوقىستاردى جيناپ، سىپىرىپ، ارام شوپتەردى جۇلىپ، جانە قىستا قار تازالايمىز. بيزنەس ءۇشىن تازالىق – ونىڭ بەت-بەينەسى. ساۋدا ورتالىعىنىڭ تازا بولۋى – ءبىز ءۇشىن ەڭ باستى مىندەتتەردىڭ ءبىرى. بيىل ەكىنشى توقساندا اعاش وتىرعىزۋدى جوسپارلاپ وتىرمىز. سونىمەن قاتار، سۋبۇرقاقتاردى تولىق جاڭارتۋ جۇمىستارى قولعا الىنباق»، – دەدى ماركەتينگ دەپارتامەنتىنىڭ اعا مەنەدجەرى اندرەي توكوتيلوۆ.