عىلىمي زەرتتەۋلەر جۇرگىزۋ قاجەت.
قازاقستاننىڭ ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ بۇگىنگى ۇكىمەت وتىرىسىندا كيىك پوپۋلياسياسىن باسقارۋعا قاتىستى قانداي شەشىمگە كەلگەندەرىن مالىمدەدى، دەپ حابارلايدى Almaty-akshamy.kz Baq.kz سىلتەمە جاساپ.
مينيستر كەشە عىلىم جانە سالالىق اسسوسياسيالاردىڭ قاتىسۋىمەن جينالىس وتكىزىپ، ءبىر توقتامعا كەلگەندەرىن ايتتى.
«تەرەڭ مونيتورينگ جانە ءتيىمدى باسقارۋ ءۇشىن قازاقستانداعى كيىك پوپۋلياسياسى ارەالى ەكوجۇيەنى كەشەندى باعالاۋ جونىندە كۇردەلى عىلىمي زەرتتەۋلەر جۇرگىزۋ قاجەت. بيىل زوولوگيا ينستيتۋتى عىلىم جانە جوعارى ءبىلىم مينيسترلىگىنە 2022-2024 جىلدارعا ارنالعان باعدارلامالىق-ماقساتتى قارجىلاندىرۋ اياسىندا زەرتتەۋلەر جۇرگىزۋ ءۇشىن ءوتىنىم بەرگەن ەدى. وكىنىشكە قاراي، بۇل جوبا قابىلدانبادى. وسىعان بايلانىستى، عىلىم جانە جوعارى ءبىلىم، قارجى مينيسترلىكتەرى وسى زەرتتەۋلەردى قارجىلاندىرۋدى بيىلدان باستاپ قاراستىرۋ مۇمكىندىگىن سۇرايمىز»، - دەدى مينيستر.
سونىمەن قاتار ول اتالعان زەرتتەۋلەر قورىتىندىسىنا دەيىن اۋىل شارۋاشىلىعى سۋبەكتىلەرىنە جابايى جانۋارلار ەگىس جەرلەرىن زيان كەلتىرگەنى ءۇشىن، ونىڭ ىشىندە زالالدى ەسەپتەۋ ادىستەمەسىن جانە قارجىلاندىرۋ تەتىگىن ازىرلەۋ بويىنشا وتەماقى ماسەلەسىن قاراۋ قاجەتتىگىن جەتكىزدى.
«روپ وپەراتورىنىڭ قاراجاتى ەسەبىنەن اۋىل شارۋاشىلىعى تەحنيكاسىن جەڭىلدىكپەن كرەديتتەۋ ماسەلەسىنە كەلەتىن بولساق، قايىربەك ايتباي ۇلى ايتقانداي ءتيىستى جۇمىس يندۋستريا جانە اۋىل شارۋاشىلىعى مينيسترلىكتەرىمەن بىرلەسىپ اتقارىلۋدا»، - دەدى برەكەشيەۆ.