27 جەلتوقساندا قازاقستان رەسپۋبليكاسى ۇكىمەتىنىڭ ازاماتتاردى قابىلداۋ ورتالىعىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ كەزەكتى حالىقپەن كەزدەسۋىن وتكىزدى.
ازاماتتاردى قابىلداۋ ارالاس فورماتتا ءوتتى، قابىلداۋعا جازىلعان ازاماتتار جەكە تىڭدالدى، سونداي-اق بەينەكونفەرەنس بايلانىس رەجيمىندە ەلىمىزدىڭ تۇكپىر-تۇكپىرىنەن ءوتىنىش بەرۋشىلەر قاتىسا الدى، دەپ حابارلايدى Almaty-akshamy.kz cالا مينيسترلىگىنىڭ سايتىنا سىلتەمە جاساپ.
ەكولوگيا جانە تابيعي رەسۋرستار مينيسترلىگىنىڭ باسشىسىمەن كەزدەسۋگە 11 ماسەلە بويىنشا استانا، الماتى، سونداي-اق اقمولا جانە الماتى وبلىستارىنىڭ 10 تۇرعىنى جازىلدى.
اقمولا وبلىسى بويىنشا بەلسەندىلەردىڭ اتىنان ءمينيستردىڭ قابىلداۋىنا ق.تاشەنوۆا، ج. اسلالييەۆ قاتىستى، ولار ۇركەر شاعىن اۋدانىندا (كوس-1، كوس-2) كارىز قۇبىرلارىن سالۋ ماسەلەلەرىن كوتەردى.
الماتى قالاسىنىڭ تۇرعىنى، زەينەتكەر ا. ماكين لاستانعان اۋانى تۇتىننەن تازارتۋعا ارنالعان 10 (ون) ءتۇرلى پاتەنتتەلگەن كونسترۋكسيالاردىڭ جوباسىن ۇسىندى.
سونداي – اق ، ازاماتتاردى جەكە قابىلداۋعا ل. ستەپانوۆ – اليسا جوباسىنىڭ تۇساۋكەسەرى، ا. لۋكپانوۆ – وتىن موديفيكاتورى بويىنشا تۇساۋكەسەر، س. وردابايەۆ – ورماندى قالپىنا كەلتىرۋ جوباسىن ىسكە اسىرۋ ماسەلەسى بويىنشا تۇساۋكەسەرلەر ۇسىندى.
جەكە قابىلداۋدىڭ وزگە قاتىسۋشىلارى كادەگە جاراتۋ تولەمىن ەنگىزۋ، ەكولوگيا سالاسىنداعى وزەكتى ماسەلەلەر مەن شەشىمدەر، سوڭعى جىلدارى كۇن ەلەكتر ستانسيالارى سانىنىڭ ۇلعايۋى جانە ولاردى قايتا وڭدەۋ سالاسى، ەلەكتروموبيلدەردىڭ اككۋمۋلياتورلارىن قايتا وڭدەۋ جانە ت. ب. ماسەلەلەردى تالقىلادى.
مۇنداي كەزدەسۋلەر جۇيەلى تۇردە وتەدى. بارلىق ءوتىنىش بىلدىرۋشىلەرگە تولىق جاۋاپتار، تۇسىنىكتەمەلەر مەن ۇسىنىستار بەرىلدى.