الماتى وبلىسىندا ءبىرىنشى اتوم ەلەكتر ستانسياسىن سالۋ بويىنشا ءتيىستى كەلىسىمدەرگە قول قويىلادى.
ولجاس بەكتەنوۆتىڭ ايتۋىنشا، ەكىنشى جانە ءۇشىنشى اتوم ەلەكتر ستانسياسى قۇرىلىسىنىڭ ىقتيمال ورىندارىن انىقتاۋ ءۇشىن وڭىرلەردى تالداۋ جۇمىستارى اياقتالۋعا جاقىن، دەپ حابارلايدى aqshamnews.kz
"قازاقستاندا ەكىنشى اتوم ەلەكتر ستانسياسى رەفەرەندۋم ارقىلى سالىنا ما؟" دەگەن سۇراققا ۇكىمەتتىڭ باسپا ءسوز ورتالىعىندا ەنەرگەتيكا ءمينيسترى الماسادام ساتقالييەۆ: «قاجەتى جوق. ءتيىستى زاڭناماعا سايكەس اتالعان اتوم ەلەكتر ستانسياسى ۇكىمەتتىڭ شەشىمىمەن سالىنادى»، – دەپ جاۋاپ بەردى.
قاسىم-جومارت توقايەۆ استاناداعى جوبالىق كەڭسەنىڭ قىزمەتىمەن تانىسۋ بارىسىندا اتوم ەنەرگەتيكاسىن دامىتۋ پەرسپەكتيۆاسىنا دا توقتالىپ، قازاقستانداعى اەس سانى ۇشەۋ بولۋى دا مۇمكىن ەكەنىن مالىمدەگەن ەدى. ەسكە سالا كەتسەك، جۋىردا فرانسيا قازاقستانعا اتوم ەلەكتر ستانسياسىن سالۋعا دايىن ەكەنىن مالىمدەدى.