Amanat پارتياسى ءتوراعاسىنىڭ باستاماسىمەن بۇكىل رەسپۋبليكا بويىنشا ەكىباستۇز قالاسىنىڭ 1 مىڭنان استام بالاسىنا دەمالىس ۇيىمداستىرىلدى. ونىڭ ىشىندە 30 بالا پارتيانىڭ قالالىق فيليالىنىڭ شاقىرۋىمەن الماتىعا كەلدى.
الماتىنىڭ جاس قوناقتارى ىلە الاتاۋى تاۋلارىنىڭ ەتەگىندە ورنالاسقان ءارى الماتى قالاسىنىڭ ىسكەرلىك ورتالىعىنا جاقىن «قازاقستان» شيپاجايىندا ورنالاستىرىلدى.
بۇگىن ەكىباستۇزدىق بالالار ءۇشىن «مەدەۋ» مۇزايدىنىندا دەمالىس ۇيىمداستىرىلدى.
«مەنىڭ ەسىمىم توميريس، ەكىباستۇز قالاسىنان كەلدىم. بۇل مەنىڭ الماتىعا العاشقى ساياحاتىم. كوڭىل-كۇيىمىز وتە جاقسى. سيركتە تاماشا قويىلىم كورىپ، مەدەۋدە سىرعاناپ كوردىك. دەمالىس بارىسىندا جاڭا دوستار تاپتىم. ەكىباستۇزداعى جاعداي ەندى ەلىمىزدە قايتالانباسىن دەپ تىلەيمىن»، – دەدى 8 سىنىپ وقۋشىسى توميريس بايكەنوۆا.
وقۋشىلاردى دەمالىس بارىسىندا باقىلاپ جۇرگەن ەكىباستۇزدىق وقىتۋشىلار دا وزدەرىنىڭ اسەرىمەن ءبولىستى.
«ءبىز ەكىباستۇزدان 2 قاڭتار كۇنى جولعا شىقتىق. جولشىباي استانا قالاسىنا سوعىپ، ەكسپو-عا ەكسكۋرسيا جاسادىق. الماتىعا بارلىعى 29 بالا، 4 وقىتۋشى جانە 1 مەدبيكە كەلدىك. جالپى، بالالاردى جاقسى قارسى الدى، بارلىق كەرەك-جاراقپەن قامتاماسىز ەتىپ جاتىر. نەگىزىنەن دەمالىسقا از قامتىلعان نە تولىق ەمەس وتباسىلاردىڭ، كوپ بالالى جانۇيالاردىڭ بالالارى جانە وقۋمەن نە مەكتەپتەن تىس كەزدەگى جەتىستىكتەرىمەن كوزگە تۇسكەن 5-11 سىنىپ وقۋشىلارى جىبەرىلدى»، – دەدى ەكىباستۇزدىق وقىتۋشى جانەركە قابجانوۆا.
Amanat پارتياسى ءتوراعاسىنىڭ باستاماسىمەن ەكىباستۇز قالاسىنىڭ بالالارى قازاقستان وڭىرلەرىنە دەمالىسقا شاقىرىلدى. ونىڭ ىشىندە 30 بالاعا پارتيانىڭ الماتى قالالىق فيليالى دەمالىس ۇيىمداستىرىپ جاتىر. بالالار «قازاقستان» شيپاجايىندا جايلى بولمەلەرگە ورنالاستىرىلدى. بالالار ءۇشىن اۋقىمدى ويىن-ساۋىق باعدارلاماسى دايىندالدى. سپورتتىق-ساۋىقتىرۋ كەشەنىندە بىرەگەي مينەرالدى سۋلاردان تۇراتىن باسسەين، سپورت زالى، ەكى ەمدىك دەنە شىنىقتىرۋ زالى، ۆولەيبول، باسكەتبول جانە فۋتبولعا ارنالعان ويىن زالدارى بار»، – دەدى Amanat پارتياسى مەدەۋ اۋداندىق فيليالىنىڭ اتقارۋشى حاتشىسى ازات اجيمانوۆ.
ايتا كەتكەن ءجون، بالالار 9 قاڭتاردا ۇيلەرىنە قايتادى دەپ جوسپارلانعان.
