پەرزەنتحاناداعى جۇكتى ايەلدەر دە وبلىس ورتالىعىنا جەتكىزىلدى
پاۆلودار وبلىسىنا قاراستى ەكىباستۇز قالاسىنداعى جىلۋ-ەلەكتر ورتالىعى مەن جىلۋ جەلىلەرىندەگى اقاۋدىڭ سالدارىنان تۇرعىن ۇيلەر مەن الەۋمەتتىك نىساندار جىلۋدان اجىراتىلدى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
كەشەدەن بەرى وبلىس اكىمىنىڭ مىندەتىن اتقارۋشى ءابىلقايىر سقاقوۆتىڭ توراعالىعىمەن قۇرىلعان جەدەل شتاب تۇيتكىلدى شەشۋدىڭ امالدارىن قاراستىرۋدا. مۇنداعى قيىن جاعدايعا تاپ بولعان بالالار ورتالىعىنىڭ، "جاس وركەن" جاسوسپىرىمدەر ءۇيىنىڭ تاربيەلەنۋشىلەرى ۋاقىتشا پاۆلودار قالاسىنا اۋىستىرىلدى. پەرزەنتحاناداعى جۇكتى ايەلدەر دە وبلىس ورتالىعىنا جەتكىزىلدى.
ال ءتۇن ورتاسىندا ەكىباستۇز قالاسىندا توتەنشە جاعداي رەجيمى جاريالاندى.
ق ر "ازاماتتىق قورعاۋ تۋرالى" زاڭىنىڭ 48-بابىنا سايكەس ەكىباستۇز قالاسىنىڭ اۋماعىندا جىلۋ جەلىلەرىندەگى اپاتقا بايلانىستى قالا اكىمى تەحنوگەندىك سيپاتتاعى جەرگىلىكتى توتەنشە جاعدايدىڭ جاريالانعانىن حابارلادى.
"ساعات 01:30-داعى جاعداي بويىنشا 17 كوپقاباتتى تۇرعىن ءۇي، بەس الەۋمەتتىك جانە 21 زاڭدى تۇلعا نىسانى ءالى دە جىلۋسىز قالىپ وتىر. اپاتتىق رەجيم توتەنشە جاعداي ايماعىنداعى جوندەۋ-قالپىنا كەلتىرۋ جۇمىستارى تولىق اياقتالعانعا دەيىن كۇشىندە بولادى"-دەپ حابارلادى جەرگىلىكتى اكىمدىك.
ايتا كەتەيىك، باستاپقىدا قالاداعى 130 تۇرعىن ءۇي جىلۋسىز قالعان ەدى.