قازا تاپقان جەو ۋچاسكەسىنىڭ باستىعى تۋرالى اقپارات الەۋمەتتىك جەلىدە كەڭ تارادى
«ەكىباستۇز جىلۋ ەنەرگياسى» جەو قىزمەتكەرى كوز جۇمدى. بۇل تۋرالى Almaty-akshamy.kz Pavlodarnews.kz سىلتەمە جاساپ حابارلايدى.
الدىن الا بولجام بويىنشا، ەر ادام ايەلىمەن بولعان جانجالدان سوڭ گاراجعا كەتىپ، سونداعى كولىگىن وتالدىرعان. كەيىن ول ۇيىقتاپ، گازدان ۋلانىپ قالعان بولۋى مۇمكىن.
قازا تاپقان جەو ۋچاسكەسىنىڭ باستىعى تۋرالى اقپارات الەۋمەتتىك جەلىدە كەڭ تارادى. وندا قازا تاپقان 33 جاستاعى ەر ادامنىڭ دەنەسى گاراجدان تابىلعانى، ونىڭ دەنەسىندە زورلىق ىزدەرى بولماعانى تۋرالى پوليسيانىڭ باياناتى جاريالاندى.
«ەكىباستۇز جىلۋ ەنەرگياسى» باسپا ءسوز قىزمەتى قىزمەتكەردىڭ قايتىس بولعانىن راستاعان.
«4 جەلتوقسان كۇنى «ەكىباستۇز جىلۋ ەنەرگياسى» جشس-نە پوليسيا باسقارماسىنان قالاداعى گاراجدارىنىڭ بىرىنەن كولىك ىشىنەن ەكىباستۇز جەو قىزمەتكەرىنىڭ دەنەسىن تاپقانى تۋرالى قوڭىراۋ ءتۇستى. دەرەكتەردى تەكسەرۋ كەزىندە ولار بۇل شىنىمەن ورتالىق قىزمەتكەرى ەكەنىن انىقتادى»، - دەلىنگەن باسپا ءسوز قىزمەتىنىڭ حابارلاماسىندا.
ال پاۆلودار وبلىستىق پوليسيا دەپارتامەنتىنىڭ مالىمەتىنشە، بۇل فاكت قالالىق باسقارمادا تىركەلگەن، ءقازىر تەكسەرۋ جۇرگىزىلۋدە.