«ىزدەستىرۋ» وپەراسياسىنىڭ ەكى كۇنىندە ىزدەۋدە جۇرگەن 283 قىلمىسكەر ۇستالدى، دەپ حابارلايدى almaty-akshamy.kz Polisia.kz سىلتەمە جاساپ.
ءىىم رەسپۋبليكا اۋماعىندا تمد ەلدەرىمەن بىرلەسكەن «ىزدەستىرۋ» وپەراسياسىن جۇرگىزدى. ونىڭ ناتيجەسىندە 283 قىلمىسكەر ۇستالدى.
سونىڭ ىشىندە كىسى ولتىرگەنى ءۇشىن — 8، دەنساۋلىعىنا اۋىر زيان كەلتىرگەنى ءۇشىن — 9، قاراقشىلىق شابۋىلدار ءۇشىن — 3 جانە توناۋ جاساعانى ءۇشىن — 5، ولاردىڭ ىشىندە: رەسپۋبليكادان تىس جەرلەردە — 20 (رەسەيدە — 10، قىرعىزستاندا — 4، وزبەكستاندا — 3، ارمەنيادا — 2، مولدوۆا مەن تۇرىكمەنستاندا — 1)؛ دوستاستىق ەلدەرىندە — 134 (رەسەيدە — 78، وزبەكستان — 31 جانە قىرعىزستاندا — 18، تاجىكستاندا — 2، ارمەنيا، ازەربايجان، بەلارۋس، مولدوۆا جانە تۇرىكمەنستاندا — 1).
سونىمەن قاتار حابار-وشارسىز كەتكەن 62 ادام، ونىڭ ىشىندە 8 كامەلەتكە تولماعان بالا انىقتالدى.
ماسەلەن، استانا قالاسىندا قالانىڭ كريمينالدىق پوليسيا قىزمەتكەرلەرى وزبەكستان ءىىم جەدەل-ىزدەستىرۋ توبىمەن بىرلەسىپ، 2019 جىلعى قاڭتاردا نامانگان وبلىسىندا ادامدار توبىندا بالتامەن قاساقانا كىسى ولتىرگەنى ءۇشىن ىزدەۋدە جۇرگەن 29 جاستاعى وزبەكستان ازاماتىن ۇستادى.
اقتوبەدە 1999 جىلدان بەرى ورىنبور وبلىسى بويىنشا رەسەي ىىم-دە ىزدەۋدە جۇرگەن 55 جاستاعى رەسەي ازاماتى ۇستالدى. ول ورىنبور وبلىسىنىڭ 2 تۇرعىنىمەن بىرگە توپتاسىپ، بۇرىن جاسالعان مال ۇرلىعىن جاسىرۋ ماقساتىندا كىسى ولتىرگەن.
قىلمىسكەرلەر 1999 جىلى 14 قاراشادا الەكساندر اۋدانىنىڭ تۇرعىنىنىڭ ۇيىنە كىرىپ، 15 مىڭ رۋبل مۇلىكتى ۇرلاپ، ءۇي يەسىن ءولتىرىپ كەتكەن.
تارازدا 2020 جىلعى 9 ماۋسىمدا قاراعاندى قالاسىنىڭ ءدامحانالارىنىڭ بىرىندە وبلىس تۇرعىنىن ولتىرۋگە وقتالعانى ءۇشىن ىزدەۋدە جۇرگەن الماتى وبلىسىنىڭ 2 تۇرعىنى ۇستالدى.
سونداي-اق اتالعان وبلىستا 22 جاستاعى وزبەكستان ازاماتى ۇستالدى، ول 2015 جىلدىڭ ناۋرىز ايىندا توپپەن شۋ وبلىسى سوكۋلۋك اۋدانىنىڭ تۇرعىنىنىڭ ۇيىنە كىرىپ، دەنە كۇشىن قولدانىپ، تاپانشامەن قورقىتىپ، 395 مىڭ سوم سوماسىندا اقشانى اشىق يەمدەندى.
الماتى وبلىسىنىڭ قاراساي اۋدانىندا وزبەكستان رەسپۋبليكاسىنىڭ 34 جاستاعى ازاماتى ۇستالدى، مامىر ايىنان باستاپ سامارقاند قالاسىندا بولعان قاراقشىلىق شابۋىل ءۇشىن وزبەكستان ءىىو-دا ىزدەۋدە بولدى، كەلتىرىلگەن زالال 40 مىڭ اقش دوللارىن قۇرادى.
قاراعاندى قالاسىندا تاشكەنت قالاسىنىڭ ءىىبب ىزدەۋدە جۇرگەن 33 جاستاعى وزبەكستان ازاماتى اسا ءىرى مولشەردە الاياقتىق جاساعانى ءۇشىن ۇستالدى، ول 2021 جىلدىڭ شىلدەسىندە تاجىكستان ازاماتتارىن قر-عا تابىس تابۋعا جىبەرگەن جانە ولارعا جالاقى تولەمەگەن.
سونىمەن قاتار شەت ەلدەردىڭ اۋماعىندا ىشكى ىستەر ورگاندارىنىڭ قىزمەتكەرلەرى مەملەكەتىمىزدىڭ قۇقىق قورعاۋ ورگاندارى ىزدەۋ جاريالاعان ادامداردى ۇستادى.
ماسەلەن، تۇركيا رەسپۋبليكاسىنىڭ سەكە قالاسىندا 2022 جىلعى 28 ناۋرىزدا ىلە اۋدانى بايسەركە كەنتىنىڭ ماڭىندا، الماتى — قونايەۆ تاس جولىندا تەمەكى ونىمدەرىن تاسىمالداعان جۇك كولىگىنىڭ جۇرگىزۋشىسىن ولتىرۋمەن ۇشتاسقان قاراقشىلىق شابۋىل جاساعانى ءۇشىن ىزدەۋدە جۇرگەن الماتى وبلىسىنىڭ 40 جاستاعى تۇرعىنى ۇستالدى.
رەسەي فەدەراسياسىنىڭ كراسنودار قالاسىندا پاۆلودار وبلىسىنىڭ پد 2008 جىلعى قاراشادان باستاپ ىزدەۋدە جۇرگەن 42 جاستاعى قازاقستاندىق پاۆلودار وبلىسىنىڭ اقسۋ قالاسىنىڭ كامەلەتكە تولماعان تۇرعىنىن زورلاعانى جانە ولتىرگەنى ءۇشىن ۇستالدى.
ارمەنيا رەسپۋبليكاسىندا قوستاناي وبلىسى پد ىزدەستىرۋ توبى ارميان ارىپتەستەرىمەن بىرلەسىپ، 2023 جىلعى ساۋىردە قوستاناي قالاسىندا ىزدەۋدە جۇرگەن 23 جاستاعى قازاقستان ازاماتىن ۇستادى جانە جالپى سالماعى 9،8 گرامم بولاتىن پسيحوتروپتىق زاتپەن 3 جيىنتىق تاركىلەندى.
رەسەيدىڭ تومسك قالاسىندا وسى جىلدىڭ تامىز ايىنان باستاپ پاۆلودار وبلىسىنىڭ پد اسا ءىرى مولشەردە ەسىرتكى ساقتاعانى ءۇشىن ىزدەۋدە جۇرگەن 21 جاستاعى پاۆلودار وبلىسىنىڭ تۇرعىنى ۇستالدى.
قىرعىز رەسپۋبليكاسىنىڭ بىشكەك قالاسىندا الاياقتىق جاساعانى ءۇشىن جامبىل وبلىسى پد-دا ىزدەۋدە جۇرگەن 50 جاستاعى قازاقستان ازاماتى ۇستالدى.
2019 جىلدىڭ تامىزىندا اتالعان ازامات ءوزىن ادۆوكات رەتىندە كورسەتىپ، كۇدىكتى ادامدى جاۋاپكەرشىلىكتەن بوساتۋعا ۋادە بەرىپ، ۇلكەن اقشانى يەمدەندى.
ۇستالعان قىلمىسكەرلەردى قازاقستان رەسپۋبليكاسىنا ەكستراديسيالاۋ تۋرالى ماسەلە شەشىلىپ جاتىر. بۇل جۇمىس ۇنەمى باقىلاۋدا، ويتكەنى قىلمىسكەرلەردى ۇستاۋ جانە ولاردى قىلمىستىق جاۋاپكەرشىلىككە تارتۋ جازانىڭ بۇلتارتپاۋشىلىق ءپرينسيپىن ىسكە اسىرۋدى قامتاماسىز ەتەدى