وسىلاي اتالاتىن كورمەدە 70-تەن استام كوركەم جانە مۇسىندىك تۋىندىلار ۇسىنىلادى.
سۋرەتشى تەمىر بەگىمبەتتىڭ «ەكى الەمنىڭ قاقپاسى» اتتى جەكە كورمەسى، دەپ حابارلايدى Almaty-akshamy.kz
2024 جىلعى 12 ساۋىردە ساعات 16:00-دە ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە تەمىر بەگىمبەتتىڭ (1951-2022) «ەكى الەمنىڭ قاقپاسى» اتتى جەكە كورمەسىنىڭ اشىلۋى وتەدى.
قازاقستاندىق سۋرەتشى تەمىر بەگىمبەتتىڭ بەينەلەر الەمى ەكى ءمان – زات پەن ونىڭ سيمۆولىنىڭ توعىسقان شەكاراسىندا تۋادى. ول جاساعان ءاربىر جۇمىس ءوزىنىڭ پايدالىلىعىمەن بىرگە تەرەڭ سيمۆولدىق ماعىنانى قامتيدى. سۋرەتشى ءبىزدىڭ ومىرىمىزدەگى بارلىق نارسە اقىلعا قونىمدى جانە ۇيلەسىمدى رەتتەلگەنىنە سەنىمدى. تەمىر بەگىمبەتتىڭ جاساعان تۋىندىلارى شەبەردىڭ قول قيمىلىنىڭ جاندى مانەرلىلىگىن ساقتاپ، ونىڭ سەزىمتال دا ىقىلاستى جۇرەگىنىڭ جىلۋىن جەتكىزەدى. سۋرەتشى ونەردى باقسىلاردىڭ عۇرىپتىق ءبىر ارەكەتى دەپ ەسەپتەيدى، ونىڭ ماقساتى دەنە مەن رۋح اراسىنداعى، ادام مەن الەم اراسىنداعى ۇيلەسىمدىلىكتى قالپىنا كەلتىرۋ. تەمىر بەگىمبەت ۇقساستىقتى ىزدەپ عاسىرلار تەرەڭدىگىنە، تۇركى حالىقتارىنىڭ ەجەلگى قۇدايلارى ءتاڭىر مەن ۇماي رۋحتارىنىڭ پاتشالىعىنا اتتانادى. شەبەر ءۇشىن ءتاڭىر مەن ۇماي قازىرگى الەمدە دە تابيعي ەنەرگيا مەن عارىش ءدۋاليزمىن بەينەلەيتىن ءتىرى بولمىستى ساقتايدى. ءدال وسى اسپان مەن جەردىڭ بيلەۋشىلەرى سۋرەتشىنى كەسكىندەمە مەن قولدانبالى جۇمىستاردى جاساۋعا ءجيى شابىتتاندىراتىن.
تەمىر بەگىمبەت 1951 جىلى 12 ساۋىردە جامبىل وبلىسىندا دۇنيەگە كەلگەن.1972 جىلى ۋكراينانىڭ چەرنوۆسى قالاسىنداعى قولدانبالى ونەر جوعارى ۋچيليششەسىن «سۋرەتشى-شەبەر» ماماندىعى بويىنشا ءبىتىردى. 1972-1985 جىلدارى جامبىل قالاسىنىڭ «وبلىستىق كوركەمسۋرەت شەبەرحاناسىندا» سۋرەتشى-ديزاينەر بولىپ جۇمىس جاسايدى. 1986-1991 جىلدارى الماتى قالاسىنداعى «قازاق قالپىنا كەلتىرۋ مۋزەيىندە» سۋرەتشى-رەستاۆراتور بولىپ جۇمىس ىستەپ،1991-1995 جىلدارى سەمەي قالاسىنداعى «اباي اتىنداعى ادەبي-مەموريالدىق مۋزەيىندە» ۇلى ابايدىڭ كيىز ءۇيىن قايتا جاساۋمەن اينالىستى. 1995-2022 جىلدارى رايىمبەك اۋىلىندا (الماتى) كاسىبي-شىعارماشىلىق جۇمىستارمەن اينالىسقان بولاتىن.
سۇيەكتەن ويىلعان ويۋ-ورنەك پەن كوركەم بەينەلەرمەن بەزەندىرىلگەن ساندىقتار، قوراپتار مەن شكافتار جانە كەستە مەن اپپليكاسيامەن بەزەندىرىلگەن تەرى مەن كيىزدىڭ فراگمەنتتەرىنەن تۇراتىن قابىرعا پانەلدەرى – بۇل الەمنىڭ ەرەكشە مودەلدەرى. ال، تىرەكتەر مەن عارىش كارتالارى، ماندالالار مەن باقسىلاردىڭ دابىلدارى، ولاردىڭ كومپوزيسيالارى سۋرەتشىنىڭ ساناسىنان تۋىنداعان تەرەڭ دۇنيەلەرى. ولاردا تەمىر بەگىمبەتتىڭ ماكروعارىشتا تۇسىرگەن جانە ميكروعارىش ماسشتابىندا تۇرلەندىرىلگەن ەرەكشە ىرعاعى بار. وسى تۋىندىلاردىڭ الدىندا مەديتاسيا جاساۋ، عارىشتىق ەنەرگيامەن بىرىكتىرۋ جاقسى، ءبىراق جىلقىنىڭ تەرىسى مەن قوي ءجۇنىنىڭ كيىزىن ەسكە تۇسىرەتىن تۋعان توپىراقپەن بايلانىسىن جوعالتپاۋ كەرەك. تەمىر بەگىمبەت جاساعان بەينەلەر – بۇل سۋرەتشىنىڭ جۇرەگى مەن قيالىنداعى سيقىرلى اعاش بۇتاقتارىنىڭ جەمىسى.
«ەكى الەمنىڭ قاقپاسى» اتتى كورمەسى وتكەن مەن بۇگىننەن سىر شەرتەتىن، جەر مەن كوكتىڭ رۋحتارى تۋرالى بايانداپ، ادامنىڭ ىزدەنىمپازدىعى مەن ءوزىن-وزى تانۋىنا جول اشادى.
ەكسپوزيسيا 2024 جىلدىڭ 5ء-شى مامىرىنا دەيىن جالعاسادى.
