«eGov.دەنساۋلىق» جاڭا ءبولىمى جاسالىپ جاتىر
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين دەنساۋلىق ساقتاۋ سالاسىن سيفرلاندىرۋ تاسىلدەرى قايتا قارالاتىنىن مالىمدەدى، دەپ حابارلادى Almaty-akshamy.kz https://baq.kz/egov-mobile-qosymshasynda-zhana-bolim-iske-qosylady-284748/BAQ.KZ-كە سىلتەمە جاساپ.
«مەديسينالىق كومەك كورسەتۋدى ەسەپتەۋ پروسەسىن جاپپاي اۆتوماتتاندىرۋدى قويىپ، اۋرۋدى ەرتەرەك انىقتاۋ جانە اسقىنۋدىڭ الدىن الۋعا ءمان بەرۋ قاجەت. دەنساۋلىق ساقتاۋ سالاسىن سيفرلاندىرۋ تاسىلدەرى قايتا قارالادى. ءقازىر دارىگەر قابىلداۋىنا حالىقتىڭ تەك 8 پايىزى عانا ونلاين جازىلادى، دەگەنمەن ىڭعايلى سەرۆيستەردى ەنگىزۋ ارقىلى بۇل كورسەتكىشتى كوپ ۇزاماي ۇلعايتاتىن بولامىز»، - دەدى مينيستر.
باعدات ءمۋسيننىڭ ايتۋىنشا، ءسدياوم دەنساۋلىق ساقتاۋ مينيسترلىگىمەن بىرگە eGov mobile ءموبيلدى قوسىمشاسىندا «eGov.دەنساۋلىق» جاڭا ءبولىمىن جاساپ جاتىر. بۇل بولىمدە دونورلىق مارتەبە، ەلەكتروندىق رەسەپت، ۆاكسينالاۋ، تاجىريبەحانالىق زەرتتەۋلەر قورىتىندىسى، جۇمىسقا جارامدىلىق پاراعى تۋرالى جانە ت.ب. اقپارات جيناقتالادى. وسىلايشا دەنساۋلىققا بايلانىستى بارلىق مالىمەت ءبىر جەردە شوعىرلانىپ، قولجەتىمدى بولادى.