ەگىستىك جيناۋ ناۋقانى ءوز مارەسىنە جەتىپ قالدى
ەلىمىزدىڭ نەگىزگى استىق ەگۋ ايماقتارىندا استىق جيناۋ ناۋقانى اياقتالۋعا جاقىن. «بايتەرەك» حولدينگىنىڭ «قازاگروقارجى» اكسيونەرلىك قوعامى فەرمەرلەرگە كورسەتەتىن قولداۋدىڭ تيىمدىلىگىن باعالاۋ ءۇشىن اقمولا وبلىسى شارۋاشىلىقتارىنىڭ بىرىنە باسپا ءسوز تۋرىن ۇيىمداستىردى، دەپ حابارلايدى Almaty-akshamy.kz.
«كامىشەنكا» ج ش س «قازاگروقارجى» اق اقمولا وبلىسى فيليالىمەن 2012 جىلدان باستاپ جۇمىس ىستەيدى.
«قازاگروقارجى» فيليالىندا قىزمەت كورسەتۋ كەزەڭىندە ماشينا-تراكتور پاركىن جاڭارتۋ ماقساتىندا 930 ميلليون تەڭگەگە تەحنيكا ساتىپ الىندى. 2021 جىلى «قازاگروقارجى» اق-مەن جەمشوپ جيناۋ كومباينىن ساتىپ الۋعا 262،2 ميلليون تەڭگە سوماسىنا قارجى ليزينگى شارتى جاسالدى.
بۇل بيىلعى ەكسترەمالدى قۋاڭشىلىق جانە جەمشوپ تاپشىلىعى جاعدايىندا وزەكتى بولدى. «كامىشەنكا» جاۋاپكەرشىلىگى شەكتەۋلى سەرىكتەستىگى 2005 جىلى قۇرىلدى. «كامىشەنكا» ج ش س قىزمەتىنىڭ نەگىزگى باعىتى – وسىمدىك شارۋاشىلىعى جانە مال شارۋاشىلىعى ونىمدەرىن ءوندىرۋ جانە ساتۋ.