قازاقستان رەسپۋبليكاسى - دەموكراتيالىق مەملەكەت. تاريح عىلىمدارىنىڭ دوكتورى، پروفەسسور حانگەلدى ءابجانوۆ ەگەمەندىك تۋرالى ماڭىزدى قۇجات قابىلداۋ كەزىندە ۇلتتىق سيپاتتى ساقتاپ قالۋ مىندەتى تۇرعانىن ايتتى، دەپ حابارلايدى almaty-akshamy.kz Almaty.tv-گە سىلتەمە جاساپ.
- 1985 جىلى كەڭەستەر وداعىندا "قايتا قۇرۋ" دەگەن ناۋقان باستالدى. بالتىق بويىنداعى رەسپۋبليكالار ەگەمەندىك دەكلاراسياسىن قابىلدادى. وسىنىڭ بارلىعىن كورىپ وتىرعان قازاقستان بيلىگى دە ماڭىزدى قۇجاتتى قابىلداۋعا بەل بۋدى. 90-شى جىلدىڭ كوكتەمىنەن دەكلاراسيانى دايارلاۋ باستالدى. قازان ايىنىڭ 15 -16 كۇندەرى قۇجاتتىڭ ەكى نۇسقاسى تالقىعا ءتۇستى. ونىڭ ءبىرىن جوعارعى كەڭەس، ەكىنشى نۇسقانى دەموكراتيالىق قازاقستان قوزعالىسى ۇسىندى. 25ء-شى قازاندا تالقىلاۋ باستالدى. ول جينالىس 6 ساعاتقا سوزىلدى. باستى ءۋاج ۇلتتىق مەملەكەت دەگەندە نە ايتامىز ؟ انگليا، فرانسيا مىسالعا كەلتىرىلدى. ءبارى دەموكراتيالىق مەملەكەت. ءبىراق ۇلتتىق سيپاتىن ساقتاپ وتىر. كەشكى ساعات 19.00 قۇجات قابىلدادى. ونىڭ 17 پۋنكتى، 1 پريامبۋلاسى بار. بۇرىنعى دەكلاراسيامەن سالىستىرعاندا بۇل دەكلاراسيانى قابىلداعان قازاقستاننىڭ جەرمەن كوكتەي ايىرماشىلىعى بولدى، - دەدى تاريح عىلىمدارىنىڭ دوكتورى، پروفەسسور حانگەلدى ءابجانوۆ