گونكونگ ءبىلىم ۋنيۆەرسيتەتى (EdUHK) قازاق ۇلتتىق قىزدار پەداگوگيكالىق ۋنيۆەرسيتەتىمەن جانە اباي اتىنداعى قازاق ۇلتتىق پەداگوگيكالىق ۋنيۆەرسيتەتىمەن ىنتىماقتاستىق تۋرالى كەلىسىمگە قول قويدى. اتالعان كەلىسىم اياسىندا «EdUHK – قازاقستان ءبىلىم اكادەمياسى» قۇرىلدى، دەپ حابارلايدى aqshamnews.kz
ق ر عىلىم جانە جوعارى ءبىلىم ءمينيسترى ساياسات نۇربەك اكادەميانىڭ قۇرىلۋىمەن قۇتتىقتاپ، EdUHK-كە ورتالىق ازيا ايماعىنداعى ءبىلىم بەرۋ دامۋىنا قوسقان ۇلەسى ءۇشىن العىس ايتتى.
ىنتىماقتاستىق قازاقستانداعى ۇستازدار مەن مۇعالىمدەر ءۇشىن جوعارى ساپالى حالىقارالىق دامۋ پلاتفورماسىن ۇسىنادى. سونداي-اق پەداگوگتەردىڭ كاسىبي بىلىكتىلىكتەرىن ارتتىرۋعا، EdUHK پەن ورتالىق ازيا ەلدەرى اراسىنداعى ءبىلىم جانە تاجىريبە الماسۋدى ىنتالاندىرۋعا باعىتتالعان.
كەلىسىمگە قول قويۋ ءراسىمى EdUHK ۋنيۆەرسيتەتىنىڭ Tai Po كامپۋسىندا ءوتتى. وعان QyzPU باسقارما ءتوراعاسى – رەكتورى، دوكتور گۇلميرا قاناي، EdUHK پرەزيدەنتى، پروفەسسور دجون لي چي-كين، Abai university باسقارما ءتوراعاسى – رەكتورى، پروفەسسور بولات تىلەپ قاتىستى.
قول قويۋ راسىمىندە EdUHK پرەزيدەنتى پروفەسسور لي بىرلەسىپ قۇرىلعان ءبىلىم اكادەمياسىنىڭ بولاشاعىنا سەنىم ءبىلدىرىپ، EdUHKء-تىڭ «ءبىر بەلدەۋ، ءبىر جول» باستاماسى اياسىندا ءبىلىم بەرۋ سالاسىنداعى حالىقارالىق ىنتىماقتاستىقتى دامىتۋعا نيەتتى ەكەنىن ايتتى.
بىرلەسىپ قۇرىلعان ءبىلىم اكادەمياسى ءبىلىم سالاسىنداعى جاساندى ينتەللەكت، ءبىلىم ساپاسىن باعالاۋ، سالاداعى كوشباسشىلىق جانە ينكليۋزيۆتى ءبىلىم بەرۋ ماسەلەلەرى بويىنشا اكادەميالىق الماسۋدى دامىتۋعا ىقپال ەتەدى. ۋنيۆەرسيتەتتەر سونداي-اق مۇعالىمدەردى دايارلاۋ، بىرلەسكەن زەرتتەۋ جوبالارى جانە كوپمادەنيەتتى الماسۋ سالاسىندا ىنتىماقتاستىق ورناتادى. بۇل سەرىكتەستىك EdUHK مەن جىبەك جولى بويىنداعى ورتالىق ازيا ەلدەرىمەن، سونىڭ ىشىندە تاجىكستان، قىرعىزستان جانە وزبەكستانمەن ءبىلىم الماسۋ مەن تاجىريبە ءبولىسۋدى جەتىلدىرۋگە ۇلەس قوسادى.
