دزيۋدودان قازاقستان ۇلتتىق قۇراما كوماندالارى بۇگىندە ازيا چەمپيوناتىنا قىزۋ دايىندالۋدا.
قۇرلىقتىق باسەكە قارساڭىندا ۇلتتىق قۇراماعا فرانسيالىق ماماندار قوسىلدى، دەپ حابارلايدى Almaty-akshamy.kz Olympic.kz-كە سىلتەمە جاساپ.
كساۆە موندەنكس مەن ستەفان تراينو تەك قانا ەرەسەكتەر قۇراماسىمەن ەمەس، ءجاسوسپىرىم جانە جاستار كوماندالارىمەن دە ارنايى باعدارلاما اياسىندا بىرگە جۇمىس ىستەيتىن بولادى.
"قازىرگى تاڭدا دزيۋدو فرانسيادا وتە قاتتى دامىعان، ءنومىرى ءبىرىنشى سپورت بولىپ تابىلادى.. 2022 جىلدى قوسا العاندا، فرانسيالىق دزيۋدوشىلار وليمپيادا، الەم چەمپيوناتتارى مەن الەمدىك جارىستار ناتيجەسى بويىنشا جاپونيانى باسىپ وزىپ، ءبىرىنشى ورىندا تۇر. بىلتىرعى توكيودا وتكەن وليمپيادا ويىندارىندا فرانسيا قۇراماسى جاپونيانى فينالدا ءىرى ەسەپپەن (4:1) جەڭىپ، ارالاس كوماندالىق ەسەپتە وليمپيادا چەمپيوندارى اتاندى.
قازاقستانعا كەلگەن قوس مامان وسى ۋاقىتقا دەيىن دزيۋدودان فرانسيا قۇراماسىندا جاتتىقتىرۋشى قىزمەتتەرىن اتقارعان. بىرەۋى سپورتشىلاردىڭ فيزيكالىق دايىندىعىنا جاۋاپتى بولسا، ەكىنشىسى جالپى قۇرامانىڭ جۇيەلى جۇمىس ىستەۋىنە، قۇرامانىڭ ستراتەگياسىنا جاۋاپتى مامان رەتىندە قىزمەت اتقارعان.
بۇعان دەيىن قوس مامان الماتىدا جاستار قۇراماسىنىڭ وقۋ-جاتتىعۋ جيىندارىنا قاتىسىپ، جاستارمەن، ولاردىڭ كۇرەسىمەن تانىستى. قازىرگى تاڭدا ەرلەر جانە ايەلدەر قۇراماسىمەن بىرگە اقمولا وبلىسىندا وقۋ-جاتتىعۋ جيىندارىنا قاتىسىپ، ۇلتتىق قۇراما سپورتشىلارىمەن ءجىتى تانىسۋدا.
دزيۋدوشىلار ءۇشىن وسى وليمپيادالىق كەزەڭگە ارنايى باعدارلاما دايىندالعان. كساۆە موندەنكس مەنستەفان تراينو ءار سپورتشىمەن جەكە تانىسىپ، بەكىتىلەن باعدارلاما اياسىندا قۇرامانىڭ باس باپكەرلەرىمەن بىرگە سپورتشىلارمەن جۇمىس ىستەيدى.
قۇراماعا شەتەلدىك مامانداردى شاقىرۋ الەمدىك تاجىريبەدە بار دۇنيە. ءبىزدىڭ بۇگىنگى سەرىكتەستىگىمىز قازاقستان دزيۋدوسى ءۇشىن وڭ ناتيجە بەرەدى دەپ سەنەمىز"، - دەيدى قازاقستان دزيۋدو فەدەراسياسىنىڭ پرەزيدەنتى مىندەتىن اتقارۋشى اسحات جىتكەيەۆ.