2 التىن، 1 كۇمىس، 3 قولا.
حورۆاتيانىڭ زاگرەب قالاسىندا وتكەن ەۋروپا كۋبوگىن دزيۋدودان قازاقستان جاسوسپىرىمدەر قۇراماسى وسىنداي ناتيجەمەن اياقتادى، دەپ حابارلايدى Almaty-akshamy.kz.
قازاقستان دزيۋدو فەدەراسياسىنىڭ باسپا ءسوز قىزمەتىنەن ءمالىم ەتكەنىندەي، ەل قۇراماسى ەۋروپا اشىق كۋبوگىندە جۇلدەگە يە بولىپ، مەدال كەستەسىندە بەسىنشى ورىنعا تۇراقتادى.
قازاقستان قۇراماسى ساپىنان ەرحان مارات (50 كگ) پەن سابينا يۋلداشيەۆا (48 كگ) جارىس جەڭىمپازدارى اتانسا، ورالبەك بايزاق (55 كگ) كۇمىس جۇلدەگە قول جەتكىزدى. ال نۇرسۇلتان ىسقاقوۆ (60 كگ)، ەدىل ەربول ۇلى (60 كگ) مەن دوسبول بالعاباي (81 كگ) ەل قورجىنىنا ءۇش قولا جۇلدەنى سالدى.
اتالعان جارىس قازاقستان جاسوسپىرىمدەر قۇراماسىنىڭ جاڭا ماۋسىمداعى العاشقى حالىقارالىق دوداسى بولىپ سانالادى.