جالپى كوماندالىق ەسەپتە قازاق سپورتشىلارى تورتتىككە ەندى
ازەربايجاندا وتكەن 16 جاسقا دەيىنگى جاسوسپىرىمدەر اراسىنداعى دۇنيەجۇزىلىك شاحمات وليمپياداسىنا قازاقستان قۇراماسى قاتىستى. بۇل تۋرالى Almaty-akshamy.kz مادەنيەت جانە سپورت مينيسترلىگىنە سىلتەمە جاساپ حابارلايدى.
جارىس قورىتىندىسى بويىنشا ساۋات نۇرعالييەۆ جەكە ەسەپتە التىن مەدال جەڭىپ الدى، ال يمانعالي اقىلباي قولا جۇلدەگەر اتاندى. بۇگىن جارىس جۇلدەگەرلەرىمەن مادەنيەت جانە سپورت ءمينيسترى داۋرەن ابايەۆ كەزدەستى.
«كوپتەگەن ءىرى حالىقارالىق جارىستاردا قازاق شاحماتشىلارى جەڭىس تۇعىرىنان كورىنىپ كەلە جاتقانى قۋانتادى. جاسوسپىرىمدەر اراسىنداعى دۇنيەجۇزىلىك شاحمات وليمپياداسى دا سونىڭ ايقىن دالەلى. بۇل جەتىستىك - بالالاردىڭ، جانە ولاردىڭ جاتتىقتىرۋشىلارى مەن فەدەراسيانىڭ اۋقىمدى ءارى قاجىرلى جۇمىسىنىڭ ناتيجەسى. ءدال وسىنداي جەڭىس شاحماتپەن اينالىسۋعا تۇرتكى بولىپ، جەتكىنشەكتەرىمىزدى جىگەرلەندىرەدى»، - دەدى داۋرەن ابايەۆ.
ايتا كەتەيىك، جالپى كوماندالىق ەسەپتە قازاق سپورتشىلارى ءۇندىستان مەن يراننىڭ كوماندالارىن باسىپ وزىپ، تورتتىككە كىردى.