ۇلىبريتانيانىڭ ءبىلىم جونىندەگى مەملەكەتتىك حاتشىسى دجيلليان كيگاننىڭ شاقىرۋىمەن قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى س.نۇربەك لوندوندا وتكەن 19-شى جىل سايىنعى دۇنيەجۇزىلىك ءبىلىم فورۋمىنا قاتىستى، دەپ حابارلايدى Almaty-akshamy.kz.
فورۋم الاڭىندا مينيستر س.نۇربەك يندونەزيانىڭ ءبىلىم، مادەنيەت، زەرتتەۋلەر جانە تەحنولوگيالار ءمينيسترى ناديم ماكاريممەن، گونكونگتىڭ ءبىلىم ءمينيسترى Christine Choi Yuk-lin-مەن، ازەربايجان رەسپۋبليكاسىنىڭ عىلىم جانە ءبىلىم ءمينيسترى ەمين امرۋللايەۆپەن سىندارلى كەلىسسوزدەر وتكىزدى. كەزدەسۋ بارىسىندا تاراپتار جەتەكشىلىك ەتەتىن سالالارداعى ەكىجاقتى قاتىناستاردى نىعايتۋدىڭ وزەكتى ماسەلەلەرى بويىنشا پىكىر الماستى.
ۆەدومستۆو باسشىسى دۇنيەجۇزىلىك بانك توبىنىڭ ءبىلىم بەرۋ سالاسىنداعى جاھاندىق تاجىريبە جەتەكشىسى Jaime Saavedra، ءبىلىم جانە داعدىلار جونىندەگى ديرەكتورى، ەىدۇ باس حاتشىسىنىڭ ءبىلىم بەرۋ سالاسىنداعى ساياسات ماسەلەلەرى جونىندەگى ارنايى كەڭەسشىسى Andreas Schleicher، YÖK پرەزيدەنتىنىڭ كەڭەسشىسى (تۇركيانىڭ جوعارى ءبىلىم كەڭەسى) Mustafa Turker Ari-مەن كەلىسسوزدەر جۇرگىزدى.
سونداي-اق، ساياسات نۇربەك دۇنيەجۇزىلىك فورۋم اياسىندا Educational Testing Service كومپانياسىنىڭ پرەزيدەنتى جانە باس اتقارۋشى ديرەكتورى اميت سيەۆاكپەن كەزدەستى. كەلىسسوزدەر ناتيجەسىندە ق ر عىلىم جانە جوعارى ءبىلىم مينيسترلىگى مەن ETS اراسىندا ءوزارا تۇسىنىستىك تۋرالى مەموراندۋمعا قول قويىلدى. ول ETSء-تىڭ جاڭا تەست ورتالىقتارىن اشۋ جوسپارىن بەكىتىپ قانا قويماي، ىنتىماقتاستىقتىڭ باسقا دا باعىتتارىن، ونىڭ ىشىندە اعىلشىن ءتىلىن وقىتۋ ادىستەمەسىن دامىتۋدى دا ايقىندايدى.