جامبىل وبلىسىندا دۇكەن توناعان الماتىلىق تۇرعىندار قولعا ءتۇستى.
15 اقپان كۇنى شۋ اۋدانى پوليسيا بولىمىنە 46 جاستاعى جەرگىلىكتى تۇرعىننان كەشكى ساعات 21:30 شاماسىندا دۇكەنىنەن بەلگىسىز ەكى ازاماتتىڭ ازىق-تۇلىك جانە ىشىمدىك زاتتارىن الىپ، اقشاسىن تولەمەي، اشىق جىمقىرۋ ارقىلى يەلەنىپ، قاشىپ كەتكەنى تۋرالى ارىز تۇسكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
اتالعان دەرەككە قاتىستى ق ر قك-نىڭ 191-بابى 2-بولىگى 3-تارماعىمەن (ادامدار توبىنىڭ الدىن الا ءسوز بايلاسۋىمەن جاسالعان توناۋ) سوتقا دەيىنگى تەرگەۋ امالدارى باستالدى.
اۋداندىق پوليسيا قىزمەتكەرلەرىنەن قۇرىلعان جەدەل تەرگەۋ توبى وقيعا ورنىندا تەكسەرۋ جۇمىستارىن جۇرگىزىپ، كۇدىكتىلەردىڭ ءىزى سۋىماي انىقتالىپ، بىرەۋى ۇستالدى. ولار 21 جانە 23 جاستاعى الماتى وبلىسىنىڭ تۇرعىندارى بولىپ شىقتى. ۇستالعان ەر ادام شۋ قالاسىنا قاسىنداعى دوسىنىڭ Lada اۆتوكولىگىمەن قىدىرىپ كەلگەندەرىن ايتىپ، دۇكەننەن تاۋار الىپ، تولەمەي كەتىپ قالعاندارىن مويىندادى. وعان قاتىستى ق ر قپك-نىڭ 128-131-بابىنىڭ تالاپتارىنا ساي شارا قولدانىلىپ، ۋاقىتشا ۇستاۋ اباقتىسىنا قاماققا الىندى.
قازىرگى ۋاقىتتا ەكىنشى كۇدىكتىنىڭ قايدا جۇرگەندىگىن انىقتاۋ ماقساتىندا ىزدەستىرۋ جۇمىستارى جۇرگىزىلىپ جاتىر.