كاسساعا بارىپ بىردەن اقشاسىن تولەيسىز بە؟
ەگەر ناقتى نە ىستەيتىنىڭىزدى بىلمەيتىن بولساڭىز، مامانداردىڭ مىنا پىكىرىنە قۇلاق اسىڭىز.
تۇتىنۋشىلاردىڭ قۇقىعىن قورعاۋشى مامانداردىڭ ايتۋىنشا، ەگەر دۇكەندەگى سورەدەن ءبىر تاۋاردى الىپ جاتقاندا جانىندا تۇرعان ەكىنشى زات ابايسىزدا قۇلاپ ءتۇسىپ، سىنىپ قالسا، ول ءسىزدىڭ كىناڭىز ەمەس. سەبەبى تاۋار سورەگە دۇرىس ورنالاستىرىلماسا، ەدەن تايعاناق بولسا، دۇكەندەگى سورەلەردىڭ اراسى تار بولسا، بۇعان دۇكەن يەسى جاۋاپتى.
ءوزىڭىزدىڭ كىنالى ەمەس ەكەنىڭىزدى ءبىلىپ تۇرساڭىز، وندا دۇكەن اكىمشىلىگىنەن بۇلىنگەن تاۋار بويىنشا اكت جاساۋىن سۇراڭىز. سىنعان تاۋاردى سۋرەتكە ءتۇسىرىپ الىڭىز. سول جەردە بىردەن تولەم جاساتۋعا دۇكەن يەسىنىڭ قۇقىعى جوق.
ال ەگەر ءوزىڭىز ۇستاپ تۇرعان تاۋاردى قولىڭىزدان ءتۇسىرىپ ءبۇلدىرىپ الساڭىز، وندا اقىسىن وتەۋ كەرەك بولادى. ءبىراق بارلىعى زاڭدى قۇجات ارقىلى تولەنۋ كەرەك. ءوز قۇقىڭىزدى قورعاي ءبىلىڭىز!