رەسپۋبليكا بويىنشا جەل كۇشەيىپ، تۇمان، كوكتايعاق كۇتىلەدى
"قازگيدرومەت" 14 ناۋرىزعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
قازاقستاننىڭ اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى قۇبىلمالى اۋا رايى كۇتىلەدى. جاۋىن-شاشىن جاۋادى، رەسپۋبليكانىڭ سولتۇستىك جارتىسىندا كوبىنەسە قار تۇرىندە جاياۋ بۇرقاسىنمەن، وڭتۇستىك جارتىسىندا جاڭبىر تۇرىندە، وڭتۇستىك، وڭتۇستىك-شىعىستىڭ جانە شىعىستىڭ تاۋلى اۋداندارىندا قاتتى جاۋىن-شاشىن (جاڭبىر، قار) بولادى.
رەسپۋبليكا بويىنشا جەل كۇشەيىپ، تۇمان، كوكتايعاق كۇتىلەدى. ەلىمىزدىڭ وڭتۇستىگىندە نايزاعاي بولادى.
تۇركىستان وبلىسىنىڭ تاۋ جانە تاۋلى اۋداندارىندا نايزاعاي، تۇمان تۇسەدى، جەل 15-20 م/س جىلدامدىقپەن سوعادى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان، كوكتايعاق كۇتىلەدى، وبلىستىڭ وڭتۇستىك-باتىسىندا، تاۋلى اۋداندارىندا جەلدىڭ جىلدامدىعى 15-20، ەكپىنى 23 م/س جەتەدى. شىعىس قازاقستان وبلىسىنىڭ سولتۇستىگىندە تۇمان، تۇندە باتىسىندا، ورتالىعىندا جاياۋ بۇرقاسىنمەن جەل 15-20 م/س كۇشەيەدى.
قاراعاندى وبلىسىنىڭ سولتۇستىگىندە، ورتالىعىندا جاياۋ بۇرقاسىن، كوكتايعاق كۇتىلەدى، وبلىستىڭ باتىسىندا تۇندە جانە تاڭەرتەڭ تۇمان، كۇندىز ورتالىعىندا جانە شىعىسىندا 15-20 م/س جەل كۇشەيەدى. پاۆلودار وبلىسىنىڭ وڭتۇستىك بولىگىندە جاياۋ بۇرقاسىن كۇتىلەدى، وبلىستىڭ سولتۇستىگىندە، شىعىسىندا جەل 15-18 م/س جىلدامدىقپەن سوعادى.
سولتۇستىك قازاقستان وبلىسىنىڭ وڭتۇستىگىندە جاياۋ بۇرقاسىن، تۇندە وڭتۇستىك-شىعىسىندا جەل 15-20 م/س دەيىن كۇشەيەدى. اقمولا وبلىسىنىڭ شىعىسىندا، كۇندىز باتىس قازاقستان وبلىسىنىڭ سولتۇستىگىندە جاياۋ بۇرقاسىن كۇتىلەدى. ماڭعىستاۋ وبلىسىنىڭ سولتۇستىگىندە، تۇندە شىعىسىندا، كۇندىز اتىراۋ وبلىسىنىڭ سولتۇستىگىندە تۇمان، كوكتايعاق كۇتىلەدى. الماتى وبلىسىنىڭ سولتۇستىگىندە جانە تاۋلى اۋداندارىندا تۇمان كۇتىلەدى، وبلىستىڭ شىعىسىندا جەل 15-20 م/س كۇشەيەدى.
اقتوبە وبلىسىنىڭ باتىسىندا، وڭتۇستىگىندە، قوستاناي، قىزىلوردا وبلىستارىنىڭ سولتۇستىگىندە تۇمان تۇسەدى.