ق ر دەنساۋلىق ساقتاۋ مينيسترلىگى قازاقستان پرەزيدەنتىنىڭ دەنساۋلىق ساقتاۋ سالاسىن سيفرلاندىرۋ بويىنشا تاپسىرماسىن جۇزەگە اسىرۋ شەڭبەرىندە قازاقستاندىق ءىت جانە فينتەح-كومپانيالاردىڭ تاجىريبەسى مەن يننوۆاسيالىق شەشىمدەرىن قولدانا وتىرىپ ولارمەن بەلسەندى ءوزارا ءىس-قيمىل جۇرگىزۋدە، دەپ حابارلايدى aqshamnews.kz. دەنساۋلىق ساقتاۋ مينيترلىگىنە سىلتەمە جاساپ.
سونىمەن «فريدوم فينانس» اق-نىڭ مەديسينالىق قىزمەتتەردىڭ ساپاسى مەن اشىقتىعىن، قولجەتىمدىلىگىن ارتتىرۋعا باعىتتالعان سيفرلىق تەحنولوگيالارىن ەنگىزۋ تۋرالى ۇسىنىستارى قارالدى. سونىڭ ىشىندە اۋىلدىق جەرلەردە تەلەمەديسينانى دامىتۋ اياسىندا دەنساۋلىق دياگنوستيكاسى مەن مونيتورينگى ءموبيلدى كەشەندەرىن ەنگىزۋ جولدارى بار.
الداعى ۋاقىتتا ىنتىماقتاستىق ورناتۋ تۋرالى مەموراندۋمعا دەنساۋلىق ساقتاۋ ءمينيسترى اقمارال ءالنازاروۆا مەن Freedom Holding Corp باس اتقارۋشى ديرەكتورى تيمۋر تۋرلوۆ قول قويدى.
ىنتىماقتاستىق شەڭبەرىندە ۆاكسينا مەن باسقا دا مەديسينالىق دارى-دارمەكتەردى ءقاۋىپسىز كۇيدە ساقتاۋ مەن تاسىمالداۋعا قاجەتتى توڭازىتۋ تىزبەگىن باسقارۋعا ارنالعان سيفرلىق جۇيەنى بىرلەسە ازىرلەۋ جوسپارلانۋدا. بۇل ناقتى ۋاقىت رەجيمىندە وندىرىستەن باستاپ ناۋقاسقا جەتكەنگە دەيىنگى ارالىقتاعى بارلىق كەزەڭدەردە ساپانىڭ جوعالىپ كەتۋ ءقاۋپىن ازايتا وتىرىپ، تەمپەراتۋرانى باقىلاۋعا مۇمكىندىك بەرەدى.
سونىمەن قاتار كومپانيا مەديسينالىق قىزمەتتەرگە جالعان قۇجات تولتىرۋمەن كۇرەسكە باعىتتالعان سيفرلىق شەشىمدەر ازىرلەۋگە قاتىسۋعا دايىن ەكەنىن جەتكىزدى.