دەنساۋلىق ساقتاۋ مينيسترلىگى قوعامدىق كەڭەسىنىڭ كەزەكتى وتىرىسىندا مىندەتتى الەۋمەتتىك ساقتاندىرۋ قورىنىڭ (ءماسق) وسى جىلدىڭ سەگىز ايىنداعى قىزمەتى تۋرالى ەسەبى تىڭدالدى.
وتىرىسقا دەنساۋلىق ساقتاۋ ءمينيسترى اقمارال ءالنازاروۆا، قوعامدىق كەڭەس ءتوراعاسى نادەجدا پەتۋحوۆا، سونىمەن قاتار كەڭەس مۇشەلەرى، مينيسترلىكتىڭ قۇرىلىمدىق بولىمشەلەرى مەن ۆەدومستۆولىق باعىنىستى ۇيىمدارىنىڭ باسشىلارى قاتىستى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
وتىرىس شەڭبەرىندە سيتۋاسيالىق-تالداۋ ورتالىعى (ستو) مەن Saqtandyru اقپاراتتىق جۇيەسىنىڭ جۇمىسى جاريا ەتىلدى.
قوردىڭ باسقارما ءتوراعاسى ءابىلقايىر سقاقوۆ ءوز ەسەبىندە مەديسينالىق قىزمەتتەردى ساتىپ الۋ پروسەستەرىن اۆتوماتتاندىرۋ ناتيجەلەرى جانە مەديسينالىق قىزمەتكە تاريفتەردى قايتا قاراۋ تۋرالى باياندادى. بەس باعىت بويىنشا جاڭا تاريفتەر كۇشىنە ەندى، ال توعىز قوسىمشا باعىت بويىنشا قايتا قاراۋ قىركۇيەك ايىندا بىتەدى، دەدى قور باسشىسى.
مينيستر مەديسينالىق قىزمەتتەرگە ءتاريفتى جەتىلدىرۋ جانە قارجىلاندىرۋدى وڭتايلاندىرۋ بويىنشا مىندەتتەردى ۇنەمى قاداعالاۋدا ۇستاۋدى تاپسىردى جانە دەنساۋلىق ساقتاۋ جۇيەسىن باسقارۋ ءۇشىن الداعى ۋاقىتتا سيفرلىق قۇرالداردى دامىتۋ، مەديسينالىق ۇيىمداردا دەر كەزىندە تولەم جاساۋ ماڭىزدىلىعىن اتاپ ءوتتى. مينيستر سونىمەن قاتار مىندەتتى الەۋمەتتىك مەديسينالىق ساقتاندىرۋ جۇيەسىن (ءمامس) جەتىلدىرۋ بويىنشا ۇيلەستىرۋ كەڭەسىن قۇرۋ جايىن مالىمدەدى.
قوعامدىق كەڭەس ءتوراعاسى نادەجدا پەتۋحوۆا ازاماتتاردىڭ ءوز دەنساۋلىعى ءۇشىن ورتاق جاۋاپكەرشىلىك الۋ ماڭىزدىلىعىن ايتا كەلە ساقتاندىرىلماعان ازاماتتارمەن بەلسەندى جۇمىس جۇرگىزۋگە نازار اۋدارتتى.
وتىرىسقا قاتىسۋشىلار مەديسينالىق قىزمەتتەردىڭ ساپاسىن قاداعالاۋ مەن قارجىلاندىرۋ، سيفرلاندىرۋدى جاقسارتۋعا ەرەكشە كوڭىل بولە كەلە، مەملەكەت باسشىسى قويعان ماقساتتارعا قول جەتكىزۋ ءۇشىن كۇش بىرىكتىرۋگە دايىن ەكەنىن جەتكىزدى.