مالديۆ ارالدارىندا جۇقپالى اۋرۋ ءورشىپ تۇر.
ق ر دسم قازاقستاندىق تۋريستەرگە مالە جانە حۋلحۋمالە ايماقتارىندا چيكۋنگۋنيا اۋرۋىنىڭ ورشۋىنە بايلانىستى ەسكەرتۋ جاسادى، دەپ حابارلايدى Almaty-akshamy.kz
چيكۋنگۋنيا – ادامعا ماسانىڭ شاعۋى ارقىلى جۇعاتىن «چيكۋنگۋنيا» ۆيرۋسىنان تۋىنداعان اۋرۋ. افريكا، امەريكا، ازيا، ەۋروپا، كاريب تەڭىزى، سونداي-اق ءۇندى جانە تىنىق مۇحيتتارى ەلدەرىندە بۇل اۋرۋ ءورشىپ تۇر. چيكۋنگۋنيا بەلگىلەرى اۋرۋ جۇقتىرعان ماسا شاققاننان كەيىن 3-7 كۇن وتكەن سوڭ بىلىنەدى. ەڭ كوپ تارالعان بەلگىلەرى – قىزبا جانە بۋىن اۋرۋى. باس اۋرۋى، بۇلشىقەت اۋرۋى، بۋىنداردىڭ ءىسىنۋى نەمەسە بورتپە سياقتى باسقا بەلگىلەرى دە بولۋى مۇمكىن.
وتە اۋىر اۋرۋدىڭ ءقاۋىپ توبىنا جاڭا تۋعان نارەستەلەر، بوسانۋ كەزىندە ينفەكسيا جۇقتىرعاندار، ەگدە جاستاعى ادامدار (65 جاستاعى جانە ودان جوعارى) جانە جوعارى قان قىسىمى، قانت ديابەتى نەمەسە جۇرەك اۋرۋى سياقتى اۋرۋلارى بار ادامدار جاتادى.
وسىعان بايلانىستى قوعامدىق دەنساۋلىق ساقتاۋ ۇلتتىق ورتالىعى ساياحات جاساۋ كەزىندە ينفەكسيالاردان قورعانۋ ءۇشىن تومەندەگى قورعانىش قۇرالدارىن ۇسىنادى:
جاندىكتەرگە قارسى تىركەلگەن قۇرالداردى قولدانىڭىز.
بەلسەندى ينگرەديەنتتەرى بار رەپەللەنتتەردى تاڭداڭىز:
دەتا (DEET)
پيكاريدين نەمەس يكاريدين
ير3535
ليمون ەۆكاليپت مايى (OLE)
پارا-مەنتان-ديول (PMD)
ەگەر ءسىز كۇننەن قورعايتىن كرەمدى قولدانساڭىز، كۇننەن قورعايتىن كرەمنەن كەيىن ۇنەمى جاندىكتەرگە قارسى قۇرالدى جاعىپ الىڭىز.
ۇزىن جەڭدى جەيدەلەر مەن ۇزىن بالاقتى شالبار كيىڭىز.
كيىم مەن كەرەك جابدىقتارعا پەرمەترين (ماسا سياقتى جاندىكتەردى جانە باسقا دا جاندىكتەردى ولتىرەتىن نەمەسە ۇركىتەتىن ينسەكتيسيد) سەبىڭىز.
پەرمەترينى بار ونىمدەردى تەرىگە جاقپاڭىز.
كونديسيونەرى نەمەسە تەرەزەلەرى مەن ەسىكتەرىندە موسكيت تورلارى بار ءقوناقۇيدى نەمەسە تۇرعىن ءۇيدى تاڭداڭىز.
ەگەر ءسىز كونديسيونەرى نەمەسە تەرەزەلەرى مەن ەسىكتەرىندە موسكيت تورلارى بار جەردە قالا المايتىن بولساڭىز نەمەسە كوشەدە ۇيىقتايتىن بولساڭىز، موسكيت تورىن پايدالانىڭىز.
ەگەر ءسىز كوشەدە بولساڭىز، موسكيت تورىن قۇرىپ ۇيىقتاڭىز. ەسىڭىزدە بولسىن! ماسالار كۇندىز-تۇنى شاعۋى مۇمكىن.
پەرمەترينمەن وڭدەلگەن موسكيت تورلارى وڭدەلمەگەن تورلارعا قاراعاندا كوبىرەك قورعايدى.
نارەستەلەر مەن بالالارعا ارنالعان جاندىكتەرگە قارسى رەپەللەنتتەر بويىنشا كەڭەستەر:
بالاڭىزعا قولى بەن اياقتارىن جاۋىپ تۇراتىن كيىم كيگىڭىز.
ارباسى مەن بالالاردى تاسىمالدايتىن قۇرالداردى موسكيت تورىمەن جاۋىپ قويىڭىز.
زاتتاڭباداعى نۇسقاۋلىقتاردى ۇنەمى قاداعالاڭىز.
قولىڭىزعا، كوزىڭىزگە، اۋزىڭىزعا، كەسىلگەن جەرلەرىڭىزگە نەمەسە تىتىركەنگەن تەرىڭىزگە رەپەللەنت جاعىڭىز.
بالانىڭ بەتىن شاعۋدان قورعاۋ ءۇشىن قولىڭىزعا رەپەللەنت شاشىپ، سودان كەيىن بالاڭىزدىڭ بەتىنە جاعۋ كەرەك.
3 جاسقا دەيىنگى بالالارعا قۇرامىندا ليمون ەۆكاليپت مايى (OLE) نەمەسە پارامەنتانديول (PMD) بار ونىمدەردى قولدانباڭىز.
ەگەر ءسىزدى ماسا شاعىپ السا، شاققان جەردى قاسىماڭىز جانە قىشۋىن باسۋ ءۇشىن قىشۋعا قارسى نەمەسە انتيگيستاميندى كرەم جاعىڭىز.
ساياحاتتان كەيىن: ەگەر ءسىز ساياحاتتاپ، ءوزىڭىزدى ناشار سەزىنسەڭىز، اسىرەسە ىستىعىڭىز كوتەرىلسە، دارىگەرمەن سويلەسىپ، وعان ساياحاتقا بارعانىڭىز تۋرالى ايتىڭىز.