الماتىدا Gorilla Drift Championship – 2023 دريفت بويىنشا قازاقستان چەمپيوناتىنىڭ ءبىرىنشى كەزەڭى اياقتالدى، دەپ حابارلايدى almaty-akshamy.kz
بيىلعى جىلى بىرىنشىلىككە قاتىسۋشىلارعا Freedom Drive كومپانياسىنان ءموبيلدى دوڭگەلەك اۋىستىرۋ قىزمەتى ۇسىنىلعانىن اتاپ ءوتۋ قۋانتارلىق جايت. كوممەرسيالىق ديرەكتور سانجار ابديراحمان حابارلاعانداي، ءۇش كۇن ىشىندە (ەكى جاتتىعۋ كۇنى جانە تۋرنير كۇنى) ءموبيلدى دوڭگەلەك اۋىستىرۋ قىزمەتى اۆتوشاباندوزداردىڭ 300 دوڭگەلەگىن اۋىستىردى.
CTK Sokol اۆتودرومىنا جينالعان كوپتەگەن جانكۇيەرىن، ياعني 4000-نان استام كورەرمەنىن قۋانتۋ ءۇشىن استانا، الماتى، ەكىباستۇز قالالارىنان كەلگەن 24 ۇزدىك پيلوت، سونداي-اق وزبەكستان، قىرعىزستان جانە رەسەيدەن كەلگەن قوناقتار شىقتى.
بىلىكتىلىك جارىستارىنىڭ قورىتىندىسى بويىنشا رەسەيدەن تەودور چيەۆىچەلوۆ ۇزدىك ناتيجە كورسەتتى، ول 90 ۇپاي جينادى.
وتكەن جىلدىڭ جەڭىمپازدارى – اندرەي استاپوۆ («التىن»)، ميحايل پاك («كۇمىس») جانە انتون اۆدەيەۆ («قولا») - بيىلعى جىلى وزدەرىنىڭ Nissan 350z جانە انتون Nissan Silvia s15 كولىكتەرىمەن قاتىستى.
سونداي-اق Freedom Drive كومپانياسى Mobil1 Racing اۆتوجارىس كومانداسىنىڭ رەسمي سەرىكتەسى بولدى. الەكسەي دميترييەۆ پەن ۆياچەسلاۆ پاپاشۆيلي سىندى پيلوتتار ءتۋرنيردىڭ بىرنەشە دۇركىن جۇلدەگەرلەرى اتاندى. 2023 جىلى كوماندا Pro كلاسىنا قاتىسۋعا مۇقيات دايىندالدى.
Mobil1 Racing ءوزىنىڭ تەكسەرىستەن وتكەن م54 تۋربو قوزعالتقىشى بار BMW E36 جانە شامامەن 600 ات كۇشى بار ءدال وسىنداي قوزعالتقىشى بار BMW E46c ماشينالارىن جارىسقا شىعاردى. وعان 1،5 بار قىسىمى بار Zestino جارتىلاي سليك دوڭگەلەكتەرى قوسىلدى. مۇنداي دوڭگەلەكتەر رەزەڭكەنىڭ ارنايى قۇرامىنا بايلانىستى پيلوتقا قۇرعاق جولدا سپورتتىق ماشينانى جاقسى باسقارۋعا مۇمكىندىك بەرەدى. رەيسەرلەر بايقاعانداي، دريفت بويىنشا تۋرنيردە جاڭا دوڭگەلەك ءتورت اينالىمدا مۇلدەم جارامسىز بولىپ قالادى ەكەن. ال ءبىر كەزەڭدە كوماندانىڭ ەكى ماشيناسىنا شامامەن 15 جۇپ دوڭگەلەك قاجەت بولادى.
سۇراپىل دودادان كەيىن الەكسەي دميترييەۆ پەن ميحايل پاك، انتون اۆدەيەۆ جانە سەرگەي وۆسياننيكوۆ جارتىلاي فينالعا شىقتى.
فينالعا پاك پەن وۆسياننيكوۆ (Toyota GT86) شىقتى. ميحايل پاك جەڭىسكە جەتتى. انتون مەن الەكسەي سايكەسىنشە ءۇشىنشى جانە ءتورتىنشى ورىنداردى جەڭىپ الدى.
ەستەرىڭىزگە سالا كەتەيىك، چەمپيوناتتىڭ كەلەسى كەزەڭى 27-28 مامىردا STK Sokol اۆتودرومىندا وتەدى. ۇلكەن ءتۋرنيردىڭ سوڭعى 5ء-شى كەزەڭى 2023 جىلدىڭ 14-15 قازانىندا وتەدى.
