جاڭا جىل قارساڭىندا ايگىلى «ۇلىتاۋ» ەتنو-روك توبى استانا الاڭىندا ونەر كورسەتىپ، الماتىنىڭ مىڭداعان تۇرعىندارى مەن قوناقتارىن قۋانتتى. ولاردىڭ دومبىراداعى ۆيرتۋوزدىق ويىنى روك دىبىسىمەن ۇيلەسىپ، كورەرمەندەرگە اسەرلى كەش سىيلادى، دەپ حابارلايدى aqshamnews.kz
مەرەكەلىك شارا «الاتاۋ» ءداستۇرلى ونەر تەاترى ارتىستەرىنىڭ ءداستۇرلى جانە زاماناۋي باعىتتاعى اندەرىمەن باستالىپ، كورەرمەندەرگە ۇلتتىق مادەنيەتتىڭ بايلىعىن پاش
ەتتى.
ساحنادا تانىمال مۋزىكالىق توپتار مەن سوليستەر دە ونەر كورسەتتى. كورەرمەندەردى جارقىن بي نومىرلەرى، زاماناۋي حيتتەر مەن ارتىستەردىڭ شىن جۇرەكتەن قۇتتىقتاۋلارى قۋانتتى.
الاڭداعى جارقىراعان شىرشا، گيرلياندالارمەن ورىلگەن اعاشتار جانە ءتۇرلى فوتوايماقتار ناعىز ەرتەگىدەگىدەي جاڭا جىلدىق كوڭىل-كۇي تۋدىردى.