دارىن مۋباروۆتىڭ «ۋاقىت كورسەتەدى» كانالىنا بەرگەن سۇحباتىندا دومبىرا تۋرالى پىكىرى كوپشىلىكتىڭ نازارىن اۋدارتتى.
نۇرسەيىت جىلقىشىبايدىڭ “ىرىمعا سەنەسىز بە؟” دەگەن سۇراعىنا ول ءوزىنىڭ ءدىني قاعيدالارىن ايتىپ ءوتتى. ول ماڭدايىنىڭ ساجدەگە تيگەنىنە 30 جىلدان استام ۋاقىت وتكەنىن جانە ءوزىنىڭ نەگىزگى ولشەم بىرلىگىنىڭ اللانىڭ ءسوزى جانە پايعامباردىڭ وسيەتى ەكەنىن اتاپ ءوتتى. سونىمەن قاتار، ول ىرىمعا سەنبەيتىنىن دە ايتتى.
ءجۋرناليستىڭ دومبىرا، ايتىس، كۇي-تەرمە حارام با دەگەن سۇراعىنا جاۋاپ بەرە وتىرىپ، دارىن مۋباروۆ مۋزىكالىق اسپاپتارعا دىندە رۇقسات بەرىلمەگەنىن ايتتى. ول كەڭەس ۇكىمەتى قۇلاعان كەزدە «الەم» دەگەن كىتاپتا دينا نۇرپەيىسوۆا تۋرالى اڭگىمە بار ەكەنىن جانە دينا اپامىزدىڭ دا دومبىرانىڭ دۇرىس ەمەس ەكەنىن بىلگەنىن، ءبىراق جالعاستىرا بەرگەنىن ەسكە الدى. دارىن مۋباروۆ دومبىرا تارتۋ قاراپايىم حالىق ءۇشىن زيان بولماۋى مۇمكىن ەكەنىن، ءبىراق مولدا ادامعا بۇل دۇرىس ەمەس ەكەنىن ايتتى.
سونىمەن قاتار، ءدىني مامان رەتىندە ول حانافي مازحابىندا دومبىرانىڭ رۇقسات ەتىلمەيتىنىن ەسكەرتىپ ءوتتى. بۇل ءسوزدىڭ ارتىندا ۇلكەن ءدىني نەگىز بار ەكەنىن جەتكىزدى.