ساۋدا ناتيجەسىندە دوللاردىڭ ورتاشا سارالانعان باعامى 0،48 تەڭگەگە كوتەرىلىپ، 465،28 تەڭگەنى قۇرادى.
جۇڭگو ءيۋانىنىڭ ورتاشا سارالانعان باعامى دەرلىك وزگەرىسسىز قالىپ، 63،78 تەڭگەنى قۇرادى.
ق ر ۇلتتىق بانكىنىڭ رەسمي مالىمەتى بويىنشا، دوللار باعامى – 464،72 تەڭگە، ەۋرو – 496،32 تەڭگە، رۋبل – 5،4 تەڭگە.
بۇل رەتتە مۇنايدىڭ ستاندارتتى سۇرىپتارىنىڭ الەمدىك باعاسى وتكەن اپتانىڭ سوڭىنداعى كوتەرىلگەننەن كەيىن 24 ماۋسىمدا ءبىرقالىپتى تومەندەپ جاتىر.
لوندوننىڭ ICE Futures بيرجاسىندا Brent ماركالى مۇنايدىڭ تامىز فيۋچەرستەرىنىڭ قۇنى باررەلىنە $85،17 قۇرادى، بۇل الدىڭعى ساۋدانىڭ جابىلۋىنداعى كورسەتكىشتەن 7 سەنتكە تومەن.
نيۋ-يورك تاۋار بيرجاسىندا (NYMEX) ەلەكتروندى ساۋدادا WTI مۇنايىنىڭ تامىز ايىنداعى فيۋچەرستەرى دە ارزانداپ، 80،66 دوللاردى قۇرادى. الدىڭعى ساۋدادا كەلىسىمشارت ءبىر باررەل ءۇشىن $0،56 (0،7%) ارزانداپ، $80،73 قۇرادى.