18 جەلتوقسان كۇنى ساعات 15:30-دا قازاقستان قور بيرجاسىندا (KASE) شەتەل ۆاليۋتالارى بويىنشا كۇندىزگى ساۋدا-ساتتىق قورىتىندىلاندى، دەپ حابارلايدى aqshamnews.kz
ساۋدا ناتيجەسى بويىنشا اقش دوللارىنىڭ ورتاشا ولشەنگەن باعامى 513،55 تەڭگەنى قۇراپ، تاعى 0،77 تەڭگەگە تومەندەدى.
رەسەي ءرۋبلىنىڭ باعامى 6،40 تەڭگەگە دەيىن كوتەرىلدى (+0،01).
جۇڭگو ءيۋانىنىڭ باعامى تاڭعى ساۋدادا 72،94 تەڭگە بولدى (-0،27).
ايىرباستاۋ پۋنكتتەرىندە دوللار 515،3–517،5 تەڭگە ارالىعىندا ساتىپ الىنىپ، ساتىلۋدا. ەۋرونىڭ باعامى 602،4–607،6 تەڭگە، ال رۋبل 6،40–6،52 تەڭگە دەڭگەيىندە قالىپتاستى.
18 جەلتوقساندا الەمدىك مۇناي باعاسى ءوستى. لوندونداعى بيرجادا Brent ماركالى مۇنايدىڭ ءبىر باررەلى 0،55 دوللارعا قىمباتتاپ، 60،23 دوللار بولدى. نيۋ-يورك بيرجاسىندا Light ماركالى مۇنايدىڭ باعاسى دا 0،55 دوللارعا ءوسىپ، باررەلى 56،49 دوللاردى قۇرادى.
ايتا كەتەيىك، ۇلتتىق بانك تاڭەرتەڭ دوللاردىڭ رەسمي باعامىن 514،31 تەڭگە، ەۋرونى – 603،03 تەڭگە، ءرۋبلدى – 6،4 تەڭگە دەڭگەيىندە بەلگىلەدى.